თბილისში, რუსთაველის #12-ში, ყოფილი კავშირგაბმულობის სახლის შენობაში სასტუმრო, კაზინო და სავაჭრო სივრცე მოეწყობა. შენობა “ჯორჯიან ეარვეისის” დირექტორის, თამაზ გაიაშვილის კომპანიას ეკუთვნის და მას თბილისის არქიტექტურის სამსახურის წინასწარი თანხმობა უკვე აქვს.
შენობა შპს “მარილი 2020-ს” ეკუთვნის, რომლის 100%-იანი მფლობელი ჯორჯიან ეარვესის დირექტორი, თამაზ გაიაშვილია. პროექტს არქიტექტურის სამსახურის თანხმობა უკვე აქვს. შენობა 3493 კვადრატული მეტრიის მიწის ნაკვეთს დაიკავებს.
საპროექტო შენობა 10-სართულიანია, რომლიდანაც 3 სართული მიწის ქვეშაა. სწორედ ამ ნაწილში მოეწყობა საპარკინგე სივრცე (2 სართულზე) და კაზინო. ნულ სართულზე მოეწყობა კომერციული სავაჭრო ფუნქციის მქონე სივრცე. ზედა სართულებზე დაგეგმილია სასტუმროს ნომრების მოწყობა, დაახლოებით, 194 ნომერი.
”ესკიზის ძირითადი კონცეფციაა პირვანდელი ფრაგმენტების აღდგენა. საპროექტო გადაწყვეტით შენობის არსებული სიმაღლის ნიშნული რჩება უცვლელი. ასევე, აღსანიშნავია, რომ ძირითადი ფასადების გაბარიტები დაუბრუნდება პირვანდელ სახეს, ხოლო შიდა ეზოს მხრიდან მომატებული ტანი შენობას შეკრავს კვადრატული ფორმით და შუაგულში შეიქმნება წრიული ფორმის ეზო. ვიზუალური თვალსაზრისით შენარჩუნებული იქნება შენობის მოსაპირკეთებელი მასალები, შეიცვლება კარ-ფანჯრების მასალები”, – წერია პროექტის განმარტების ბარათში.
მსგავსი სტატიები:
ნატანებს ელექტროენერგიის მიწოდება დღეს ვერ აღუდგება
“ჟურნალისტები განსაკუთრებულ პირობებში აიცრებიან”
მიხეილ ყაველაშვილი ოპოზიციას – ძალიან წესიერი ადამიანები ვართ, ოჯახში გაზრდილი და ნუ გვასწავლით იმას, რაც ბავშვებმაც კარგად იციან – გელოდებით არჩევნებზე!
რას, სად და როგორ მალავენ მსოფლიოს ყველაზე გავლენიანი ადამიანები
ორი მარტოხელა-ღია ცის ქვეშ დარჩენილი მოხუცისა და ერთგული ძაღლის, ბათურას ისტორია
ივანიშვილის რუსული პროპაგანდა კარგავს ძალას…3 ივლისი, 20:00 საათი – მელია
მიხეილ სააკაშვილის ხმაურიანი პროცესი და დამძიმებული მდგომარეობა – გამოხმაურებები დასავლურ მედიაში
“თუ უკრაინაში ომი 2024 წელს არ დასრულდება, “კოლაფსი იქნება” – ლუკაშენკო რუსეთში ჩავიდა