ჩეჩენი მამაკაცი, რომელიც “კროკუსის” საქმესთან დაკავშირებით დააკავეს, პოლიციაში გარდაიცვალა

გამოცემა „აგენტსტვო. ნოვოსტი“ იტყობინება, რომ მოსკოვის პოლიციაში გარდაიცვალა ჩეჩნური წარმომავლობის მამაკაცი ასხაბ უსპანოვი. როგორც „აგენტსტვოს“ უთხრა უსპანოვის დედამ, მისი ვაჟი იმ ღამით დააკავეს, როცა ტერაქტი მოხდა „კროკუს სიტი ჰოლში“. მან მოასწრო დაკავების შეტყობინება ნათესავებისთვის. როცა ორი საათის შემდეგ უსპანოვის ცოლი მივიდა პოლიციაში, მას უთხრეს, რომ მისი ქმარი მკვდარია.

ჩეჩნური არხის, 1ADAT-ის აზრით, რომელმაც პირველმა გააშუქა უსპანოვის საქმე, ის წამების შედეგად მოკვდა. არხი ირწმუნება, რომ უსპანოვს დამსხვრეული ჰქონდა ნეკნები და ხერხემალი, მის სხეულზე იყო მოგუდვისა და სისხლჩაქცევების კვალი.

1ADAT-ზე გამოქვეყნდა მორგში გადაღებული ვიდეო, რომელშიც უსპანოვის სხეული ჩანს ძალადობის ნიშნებით. ვიდეოს ავტორი იუწყება, რომ პოლიციაში უსპანოვის თვითმკვლელობის ინსცენირება მოახდინეს, რათა დაეფარათ დანაშაული. დაღუპულის დედამ „აგენტსტვოს“ უთხრა, რომ მისი შვილი თვითმკვლელობაზე არ წავიდოდა, ვინაიდან მუსლიმი იყო, ისლამი კი გმობს თვითმკვლელობას. უსპანოვის ოჯახი ასევე კატეგორიულად უარყოფს ტერაქტთან მისი კავშირის შესაძლებლობას.

მოსკოვის მახლობლად მდებარე საკონცერტო ცენტრ „კროკუს სიტი ჰოლში“ ტერაქტის შემდეგ, რომელიც 22 მარტს მოხდა, რუსეთის ქალაქებში გახშირდა მიგრანტებისა და არასლავური გარეგნობის რუსეთის მოქალაქეების დაკავება. მიგრანტები ჩივიან ძალოვანი სტრუქტურების მხრიდან ზეწოლასა და ქსენოფობიაზე. მიგრანტებს სცემენ, მათ საცხოვრებელ ადგილებში უვარდებიან და რუსეთიდან აგდებენ.

„კროკუს სიტი ჰოლზე“ თავდასხმის ბრალდებით 23 მარტს დააკავეს ტაჯიკეთის ოთხი მოქალაქე. სასამართლოში ისინი სასტიკად ნაცემ მდგომარეობაში გამოჩნდნენ, ერთ-ერთი მათგანი ნახევრად გულწასული მიიყვანეს ინვალიდის სავარძლით. ინტერნეტში გავრცელდა ვიდეო, რომელზეც ჩანს, როგორ აჭრიან ერთ-ერთ დაკავებულს ყურს.

რადიო თავისუფლება

გააზიარეთ და მოიწონეთ სტატია:

მსგავსი სტატიები:

თბილისში 12 წლის მოზარდის ცხედარი იპოვეს პოზნერმა საქართველო დაგეგმილზე ადრე დატოვა დავით დვალისა და ჯარჯი აქიმიძის ადვოკატის განცხადებით, „რუსთავი 2“-ის უძრავ ქონებას ყადაღა დაედო გაირკვა, თუ რა მიზეზით გაჩნდა ხანძარი თურქეთში, რომელიც ამჟამად ტურისტულ ზონებს უახლოვდება ემპათია სააკაშვილისადმი მოპყრობას პატიმრობაში მყოფი პოლიტიკოსის წამებად აფასებს “მისი მდგომარეობა საგანგაშოა…უნდა გაიყვანონ და მოათავსონ სათანადო კლინიკაში”- გიული ალასანია მიხეილ სააკაშვილზე ვოლსკი ამერიკის დახმარებაზე: ესეთი თქმა, რომ საქართველო მარტო მიმღებია დახმარების, არასწორია ბიჭი ჭანიეთიდან, უდიდესს მადლობას გიხდის ნიკა ყველაფრისთვის – კოტე ურუშაძის წერილი ნიკა გვარამიას