“გაეროს გენერალური მდივანი, შეშფოთებით ადევნებს თვალს საქართველოში განვითარებულ მოვლენებს”, – განცხადება ამის შესახებ გენერალური მდივნის პრესსპიკერის მოადგილემ, ფარჰან ჰაკიმ ისაუბრა.
როგორც “ამერიკის ხმა” წერს, ანტონიო გუტერეში განსაკუთრებული შეშფოთებით აკვირდება “ძალადობრივ შეტაკებებს და ცნობებს, სამართალდამცავი პერსონალის მიერ, ძალის არაპროპორციული გამოყენების შესახებ დემონსტრანტების მიმართ, რომლებიც აპროტესტებენ კანონს უცხოური გავლენის გამჭვირვალობის შესახებ.”
სპიკერის თქმით, გენერალური მდივანი იზიარებს საქართველოში გაეროს გუნდის და ადამიანის უფლებათა უმაღლესი კომისრის შეშფოთებას, “გამოხატვის თავისუფლებასა და მედიაზე, ისევე როგორც, ზოგადად, სამოქალაქო საზოგადოებაზე კანონის ნეგატიური გავლენის შესახებ.”
გარდა ამისა, ჰაკის თქმით, გუტერეში მოუწოდებს, “თავშეკავებას და დიალოგს ხელისუფლებასა და სამოქალაქო საზოგადოებას შორის და საპროტესტო აქციების დროს, ან მის შემდეგ, ან პატიმრობის დროს არასათანადო მოპყრობის შესახებ ყველა ბრალდების დაუყოვნებლივ გამოძიებისკენ.”
ცნობისთვის, “ქართული ოცნების” უმრავლესობამ, საზოგადოების მასშტაბური პროტესტისა და დასავლელი პარტნიორების კრიტიკის ფონზე, გამჭვირვალობის კანონი მესამე მოსმენით მიიღო. მას მხარი 84-მა დეპუტატმა დაუჭირა, წინააღმდეგ კი 30 წავიდა.
მსგავსი სტატიები:
ტიკარაძე: “გურია წითლისკენ მიდის, შეზღუდვებს არ გამოვრიცხავთ”
ვიდეო: სტიქია ჩოხატაურში
კორონავირუსის 3 196 ახალი შემთხვევა გამოვლინდა, გარდაიცვალა 27 ადამიანი
პირადი ექიმი – მიხეილ სააკაშვილის პოზიციაა, რომ არ წავა საავადმყოფოში, რომელიც გლდანის ციხეს ეკუთვნის
“ახლა 100 000-ზე მეტი დამპყრობელი იმყოფება ჩვენს მიწაზე”
სიღარიბე, დევნა განსხვავებული აზრის გამო და სამედიცინო დახმარების სურვილი – ქართველები თავშესაფრის ძიებაში
რას მალავს სამყარო ეპიფიზში ანუ ადამიანის ფიჭვისებურ ჯირკვალში – მანანა ტოტოჩავა
შესაძლოა, არ აპატიეს ღარიბაშვილს, რომ ვერ ჩაშალა კანდიდატის სტატუსის მიღება – კორძაია