ძალიან ვწუხვარ საქართველოს პარლამენტის დღევანდელი გადაწყვეტილების გამო – ევროსაბჭოს გენ.მდივანი ვეტოს დაძლევაზე

“ძალიან ვწუხვარ საქართველოს პარლამენტის დღევანდელი გადაწყვეტილების გამო“, – ამის შესახებ ევროსაბჭოს გენერალურმა მდივანმა, მარია პეიჩინოვიჩ-ბურიჩმა განაცხადა და “ქართული ოცნების” მიერ გამჭვირვალობის კანონზე ვეტოს დაძლევას გამოეხმაურა.

“ძალიან ვწუხვარ საქართველოს პარლამენტის დღევანდელი გადაწყვეტილების გამო, გააუქმოს პრეზიდენტის ვეტო და გააგრძელოს კანონის “უცხოური გავლენის გამჭვირვალობის შესახებ” მისი ამჟამინდელი ფორმით საბოლოო დამტკიცება, მიუხედავად საერთაშორისო პარტნიორების კრიტიკისა მისი შეუთავსებლობისა ევროპულ სტანდარტებთან.

ამ ნაბიჯის გადადგმით, საქართველოს ხელისუფლებამ, სამწუხაროდ, უარი თქვა ამ კანონპროექტის უკან გაწვევის საბოლოო შესაძლებლობაზე და უარი თქვა მნიშვნელოვან დიალოგზე, უგულებელყო ვენეციის კომისიის ცალსახა რეკომენდაციები, რომლის ავტორიტეტული სამართლებრივი მოსაზრებები ასახავს ჩვენს დემოკრატიულ სტანდარტებს.

აქედან გამომდინარე, მე ღრმად ვარ შეშფოთებული კანონის უარყოფითი ზემოქმედებით ინფორმირებულ საჯარო დებატებზე, პლურალიზმზე, დემოკრატიულ კონტროლსა და ბალანსზე, რამაც, შესაძლოა, საფრთხე შეუქმნას თავისუფალი და სამართლიანი არჩევნების გარემოსაც.

ასევე, შემაშფოთებელია, აშკარა დაუსჯელობა სამოქალაქო საზოგადოების ორგანიზაციების, სამოქალაქო აქტივისტებისა და მშვიდობიანი მომიტინგეების წინააღმდეგ გავრცელებული დაშინების, ძალის არაპროპორციული გამოყენებისა და სტიგმატიზაციის ნარატივების გამო. ეს ქმედებები დაუყოვნებლივ უნდა იქნას გამოძიებული და უფლებების დარღვევაზე პასუხისმგებელი პირები პასუხისმგებელნი უნდა იყვნენ ისეთი პრაქტიკის თავიდან ასაცილებლად, რომელსაც ადგილი არ აქვს დემოკრატიულ საზოგადოებაში. ევროპის საბჭო კვლავ სრულ მხარდაჭერას უცხადებს ქართველი ხალხის ევროპულ მისწრაფებებს,” – წერია განცხადებაში. 

გააზიარეთ და მოიწონეთ სტატია:

მსგავსი სტატიები:

“შაქარაშვილს ოჯახი ვეღარასდროს დაიბრუნებს, მას სიცოცხლე მსჯავრდებულებმა მოუსპეს, რომელთა ოჯახის წევრები გამოთქვამენ პრეტენზიას, რომ თურმე, უპატრონოდ დარჩნენ” – პროკურორი მიშელ ლეგრანი და მაშა მერილი: სიყვარულის ისტორია, რომელიც 50 წლით გადაიდო საქართველოში შესაძლოა, მინიმალური საათობრივი ანაზღაურება დაწესდეს “დაავადებათა კონტროლის ცენტრის მესვეურები გასათავისუფლებლები კი არა, უკვე დასაჭერები ხართ” _ გიორგი ფხაკაძე “წაგებას უნდა შეხვდეთ ღირსეულად” “უარს ვამბობ შიმშილობასთან დაკავშირებულ ყველანაირ მკურნალობაზე” – სააკაშვილის განცხადება ჯობია, პირველი პირების შვილების განათლება ბიუჯეტიდან ფინანსდებოდეს, ვიდრე რომელიმე ბიზნესმენი იხდიდეს მამის „ხათრით“ – ხუხაშვილი ცირკი გაქვთ გამართული, თქვენ ხელში არც ნერვებია და არც ჯანმრთელობა – ბაია პატარაია ოცნებას