კობახიძე “როიტერს” უპირისპირდება – რას ედავება პრემიერი ბრიტანულ სააგენტოს?

ირაკლი კობახიძე “როიტერს” უპირისპირდება – საქართველოს პრემიერ მინისტრი ბრიტანულ სააგენტოს განცხადების დამახინჯებასა და კონტექსტიდან ამოგლეჯილი ფორმით გავრცელებაში ადანაშაულებს.

“ქართული ოცნების“ კომუნიკაციების დეპარტამენტის Facebook-გვერდის, „სინამდვილეში“ მიერ გამოქვეყნებულ განცხადებაში ნათქვამია, რომ სტატია მიზანმიმართული დეზინფორმაციაა და მიზნად  უცხოელი მკითხველისთვის ყალბი აღქმების შექმნას ისახავს.

„საერთაშორისო მედიასაშუალება „როიტერი“ საქართველოს პრემიერ-მინისტრ ირაკლი კობახიძის განცხადებას კონტექსტიდან ამოგლეჯილი ფორმით ავრცელებს, სადაც შინაარსის გარეშე წერია, თითქოს ირაკლი კობახიძე ქართულ-ამერიკული ურთიერთობების გადახედვის საჭიროებაზე საუბრობს. სტატია და განსაკუთრებით მისი “ჰედლაინი” ტოვებს აღქმას, ვითომდა საქართველოს პრემიერი „ურთიერთობების გადახედვას“ ნეგატიურ კონტექსტში ახსენებს. #სინამდვილეში, „როიტერის“ სტატია მიზანმიმართული დეზინფორმაციაა და მიზნად ისახავს უცხოელი მკითხველისთვის ყალბი აღქმების შექმნას. როდესაც პრემიერ-მინისტრი ირაკლი კობახიძე საუბრობდა საქართველოსა და აშშ-ს შორის ურთიერთობის გადახედვაზე, მხედველობაში ჰქონდა ურთიერთობების გაღრმავება.

ციტატა: „არ ვიცი, რატომ იყო რევოლუციის 2 მცდელობა 2020-2021 წლებში, შემდეგ 2022 წელს. არ ვიცი, რატომ იყო ასეთი მცდელობები. ფაქტია, რომ წინა ელჩმა ბევრი რამ გააფუჭა, ძალიან ბევრი რამ გაფუჭდა იმ წლების განმავლობაში. ამას სჭირდება გამოსწორება. პირდაპირ იდგნენ, მათ შორის, ამერიკიდან დაფინანსებული NGO-ები რევოლუციურ სცენაზე, როდესაც მათ მოითხოვეს მთავრობის გადადგომა და მათი მონაწილეობით მთავრობის ჩამოყალიბება. კიდევ ერთხელ გავიმეორებ, რომ წინა ელჩის პირობებში ძალიან ბევრი რამ გაფუჭდა, ამიტომ ქართულ-ამერიკული ურთიერთობები ნამდვილად საჭიროებს გადახედვას. ჩვენ ყველაფერს გავაკეთებთ იმისათვის, რომ მაქსიმალურად გაჯანსაღდეს ქართულ-ამერიკული ურთიერთობები. ეს შედის როგორც ქართველი ხალხის ინტერესებში, ასევე, მე მჯერა, ამერიკელი ხალხის ინტერესებშიც“, – წერს „ქართული ოცნების“ კომუნიკაციების დეპარტამენტის Facebook-გვერდი „სინამდვილეში“.

ყველას გახსოვთ რევოლუციის 2 მცდელობა, დაემატა მე-3 მცდელობა წინა კვირების განმავლობაში. ეს ყველაფერი, რა თქმა უნდა, მიანიშნებს იმაზე, რომ ქართულ-ამერიკული ურთიერთობები საჭიროებს გადახედვას – ამის შესახებ პრემიერ-მინისტრმა ირაკლი კობახიძემ განაცხადა.

კობახიძემ იერიში ამერიკის წინა ელჩზე, კელი დეგნანზეც მიიტანა და ის  “ბევრი რამის არევაში” დაადანაშაულა.

სწორედ ეს დაწერა როიტერმაც მის მიერ გამოქვეყნებულ სტატიაში. 

გააზიარეთ და მოიწონეთ სტატია:

მსგავსი სტატიები:

ელისო ბოლქვაძე: როცა ქვეყანას უჭირდა, ბიძინა ივანიშვილი, როგორც ჭიგო ვაზს, ისე შეეხიდა პირველი აპრილიდან კინოთეატრები და ბავშვთა გასართობი ცენტრები გაიხსნება “კი მაგრამ ცხვარმა რა დაგიშავათ?” – გოცირიძე ხელისუფლებას კობახიძე მთავარ არხს: გემუქრებით, რომ მოგიწევთ ბოდიშის მოხდა წინასწარი ინფორმაციით, ლვოვის დაბომბვისას 5 ადამიანი დაშავდა რუსეთმა, დაახლოებით 43 900 ჯარისკაცი დაკარგა | ბოლო მონაცემები “ეს თმენის ვალდებულება ცალმხრივი ხომ არ არის?!” – მდინარაძე ნაკაიძისთვის მიკროფონის ჩარტყმაზე “ოფშორების კანონზე” ვეტოს საფინანსო-საბიუჯეტო კომიტეტმა მხარი არ დაუჭირა