პარლამენტის თავმჯდომარე შალვა პაპუაშვილი “არასერიოზულს” უწოდებს აშშ-ის სახელმწიფო დეპარტამენტის მიერ გამოცხადებულ სანქციებს. პაპუაშვილის აზრით, შეერთებულ შტატებს “არასერიოზული ნაბიჯები არ ეკადრება”.
“საერთო ჯამში, რასაც ვსაუბრობდით, ისე ხდება. არასერიოზული იყო როგორც მუქარა, ისე განცხადება სავიზო შეზღუდვებთან დაკავშირებით, როდესაც მოვისმინეთ ჩვენ გუშინ, რომ ორი დუჟინი ქართველი დასანქცირდა ისე, რომ არც ვიცით, ვინ არიან ეს ადამიანები. არასერიოზულია და მე ძალიან გული მწყდება, რომ ასეთ მიდგომებს ვხედავ. ნაცვლად იმისა, რომ ამერიკის ხელისუფლებას ეზრუნა, რომ გამოესწორებინა ის ურთიერთობა, რომელიც ჩვენს ქვეყნებს შორის არის, ვხედავთ არასერიოზულ ნაბიჯებს, რომელიც ნამდვილად არ ეკადრება ამხელა ქვეყანას.
კიდევ ერთხელ მინდა, ხაზი გავუსვა, ქართველმა ხალხმა 30 წელი მეგობრობის მეტი არაფერი აჩვენა ამერიკას, ამერიკელ ხალხს და ამერიკის ხელისუფლებას. სამწუხაროა, რომ ამ მეგობრობის პასუხად ჩვენ ვიღებთ ასეთ არასერიოზულ განცხადებებს თუ გადაწყვეტილებებს”, – განაცხადა პაპუაშვილმა. მის კომენტარს საზოგადოებრივი მაუწყებელი ავრცელებს.
სახელმწიფო დეპარტამენტმა გამჭვირვალობის კანონზე პასუხისმგებელ ან თანამონაწილე, დაახლოებით, 30 პირს სავიზო სანქციები დაუწესა.
სახელმწიფო დეპარტამენტის პრესსპიკერის, მეთიუ მილერის თქმით, სანქციების პირველი ტალღა შეეხება ”ქართული ოცნების” წევრებს, პარლამენტის წევრებს, ძალოვნებსა და კერძო პირებს.
კითხვაზე უშუალოდ რამდენ ადამიანს შეეხებოდა სავიზო შეზღუდვა, მილერმა კონკრეტული რიცხვი არ დაასახელა და თქვა, რომ დაახლოებით 30 ადამიანს. გარდა ამისა, მას უშუალოდ პირები და სახელები არ დაუკონკრეტებია და დასძინა, რომ საიმიგრაციო კანონმდებლობა სახელების გაჟღერების უფლებას არ აძლევს. კონკრეტულ ვინაობას გავიგებთ იმ შემთხვევაში, თუ რომელიმე მათგანი აშშ-ში ჩასვლას ეცდება.
რაც შეეხებათ მათ, ვისაც ვიზა უკვე აქვს, მილერის თქმით, ისინი სანქციის შესახებ ინფორმაციას შეიტყობენ, რადგან შეზღუდვა ძალაში დღეს შევიდა.
მსგავსი სტატიები:
მიშელ ლეგრანი და მაშა მერილი: სიყვარულის ისტორია, რომელიც 50 წლით გადაიდო
საქართველოში შესაძლოა, მინიმალური საათობრივი ანაზღაურება დაწესდეს
“უარს ვამბობ შიმშილობასთან დაკავშირებულ ყველანაირ მკურნალობაზე” – სააკაშვილის განცხადება
ცირკი გაქვთ გამართული, თქვენ ხელში არც ნერვებია და არც ჯანმრთელობა – ბაია პატარაია ოცნებას
“უკრაინა აუცილებლად გაიმარჯვებს…ბოროტების იმპერია აუცილებლად დაეცემა…მაგრამ ამ ადამიანების გაუკუღმართებულ აზროვნებას არაფერი ეშველება”-ოთარ რევიშვილი
“იმისთვის, რომ [სააკაშვილმა] ცილა მიიღოს, საზღვარგარეთ გადაყვანა არაა საჭირო”
საფეხბურთო მატჩის შემდეგ მომხდარ არეულობას სულ მცირე 174 ადამიანი ემსხვერპლა
კლიმობა – ჭურის პირველი მოხდა გურიაში