“გვაქვს სტრატეგიული მოთმინების პოლიტიკა, რითაც შესაძლოა საქართველოს ოცნების ახდენა” – ამის შესახებ განცხადება ირაკლი კობახიძემ ბერლინში, საქართველოს დამოუკიდებლობის დღისადმი მიძღვნილ საზეიმო მიღებაზე სიტყვით გამოსვლისას გააკეთა.
პრემიერი განმარტავს, რომ ქართველი ხალხის დაუოკებელი სურვილი ოკუპირებული ტერიტორიების დაბრუნებაა, რასაც კობახიძის მტკიცებით, “ქართული ოცნება” საკუთარი პოლიტიკით მომავალში აუცილებლად მიაღწევს.
რუსული კანონის მხარდამჭერმა დეპუტატმა გერმანიის მაგალითი მოიყვანა და აღნიშნა, რომ გერმანელები მეორე მსოფლიო ომის შემდეგ აშენებული ბერლინის კედლის დანგრევას წლები ელოდნენ, ამიტომ კობახიძის თქმით, ახლა დიდი ნებისყოფის გამოჩენაა საჭირო.
”ამ ოთხი წლის განმავლობაში კიდევ უფრო მძაფრად შევიგრძენით, რამდენად მნიშვნელოვანია მშვიდობა და რამდენად მნიშვნელოვანია სახელმწიფოებრივი დამოუკიდებლობა, სახელმწიფოს სუვერენიტეტი. ამ ოთხი წლის წლის განმავლობაში ჩვენ არაერთი ბრძოლა გადავიტანეთ იმისთვის, რომ შეგვენარჩუნებინა მშვიდობა და განგვემტკიცებინა ჩვენი სახელმწიფოებრივი დამოუკიდებლობა, ჩვენი სუვერენიტეტი და ეს ბრძოლა იყო საბოლოო ჯამში ძალიან წარმატებული. დარწმუნებული ვარ, მომავალშიც ვივლით მყარად, სწორი მიმართულებით, განვამტკიცებთ კვლავაც ჩვენს დამოუკიდებლობას, ჩვენს სუვერენიტეტს და შევინარჩუნებთ მშვიდობას ჩვენს ქვეყანაში, რაც არის საქართველოს განვითარების აუცილებელი პირობა.
ჩვენ გვაქვს ჩვენი ოცნებები და მთავარი ოცნება არის რა თქმა უნდა, ჩვენი ქვეყნის გამთლიანება, გაერთიანება და ამ თვალსაზრისითაც სიმბოლურია, რომ ჩვენ ამ თემაზე ვსაუბრობთ გერმანიაში. გერმანია არის სწორედ იმის სიმბოლო, თუ როგორ შეიძლება, მოთმინებით გაამთლიანო საკუთარი ქვეყანა. მოთმინებით ელოდებოდა ათწლეულების განმავლობაში გერმანია გაერთიანებას, გამთლიანებას და საბოლოო ჯამში 1989 წელს გერმანელებს ეს ოცნება აუხდათ.
ჩვენც გვაქვს სტრატეგიული მოთმინების პოლიტიკა და დარწმუნებული ვართ, რომ ჩვენი პოლიტიკით საბოლოო ჯამში იქნება შესაძლებელი საქართველოს ოცნების ახდენა, ქართველების ოცნების ახდენა და საქართველო იქნება ერთიანი და მთლიანი სახელმწიფო”, – ამბობს კობახიძე.
მსგავსი სტატიები:
ვინც პარლამენტში შევიდა და შევა, „ოცნების” ფაქტიური წევრია- ლევან თარხნიშვილი
“ბატონმა კალაძემ და ბატონმა გახარიამ ეს ნარკოურთიერთობები ერთმანეთში რომ გაარკვიონ, უმჯობესი იქნება”
შეზღუდვა მოიხსნა კონცერტებზე, ფესტივალებზე და კვების ობიექტებზე
”სააკაშვილი სერიოზულად მუშაობს დანარჩენებზე – დანარჩენი ვართ მიმდევრები”-სანიკიძე
“პასუხი რუსულ ოცნებას” – მთავრობის ადმინისტრაციასთან უკრაინის მხარდამჭერი აქცია იმართება
საზოგადოება იმსახურებს იცოდეს გეგმა, “სირცხვილიას” კამპანია წყალს ასხამს ქართული ოცნების პოლიტიკას – სტუდენტები
“ბატონების” რიტუალებს, მცხეთურ ღვეზელს და აპოხტის ხინკალს არამატერიალური ძეგლის სტატუსი მიენიჭა
ბათუმში დაშალეს სკვერი, რომელიც ბიუჯეტს, ერთი წლის წინ, 118 ათასი ლარი დაუჯდა