“ყველაფერს გავაკეთებ იმისთვის, რომ ქართველმა გულშემატკივარმა თავი ამაყად იგრძნოს” – ამის შესახებ კომენტარი საქართველოს ეროვნული საფეხბურთო ნაკრების ნახევარმცველმა, გიორგი ქოჩორაშვილმა ხვალინდელი მატჩისწინ გააკეთა.
სპორტსმენი ამბობს, რომ ჩეხეთთან შეხვედრის დროს ქართველი ფეხბურთელები თავს არ დაზოგავენ და მაქსიმალურად შეეცდებიან, სასურველი შედეგი დადონ.
“რთული თამაში იქნება, მაგრამ ჩვენ მზად ვართ” – აცხადებს გიორგი ქოჩორაშვილი და იქვე დასძენს, რომ ამ დღეს არა მხოლოდ ნაკრების წევრები, არამედ მთელი საქართველო დიდი ხანი ელოდა.
”რა თქმა უნდა, მზად ვართ, რადგან აქ ვართ. ვიცით, ყველა გუნდი ჩვენს წინააღმდეგ შემტევ ფეხბურთს თამაშობს და ჩვენც ვეცდებით, რომ ის შემტევი ფეხბურთი ვითამაშოთ, რასაც ყოველთვის ვთავაზობთ გულშემატკივარს. ვეცდებით, ვიბრძოლოთ, რასაც ყოველთვის ვაკეთებთ. ვფიქრობ, რომ სპორტი ომს აჩერებს. ჩვენ გვიყვარს ფეხბურთი, გვაქვს შესაძლებლობა ვითამაშოთ ამ დონეზე, საქართველოს ეს არასდროს გაუკეთებია. ვფიქრობ, რომ ყველა ქართველი ბედნიერია და დროა, ვიფიქროთ თამაშზე და იმაზე, რა გველის ხვალ. ყველაფერს გავაკეთებ იმისთვის, რომ ქართველმა გულშემატკივარმა თავი ამაყად იგრძნოს.
რთული თამაში იქნება, მაგრამ ჩვენ მზად ვართ, აქამდე მოვედით შრომით, თავდაჯერებით, ყოველდღიური ვარჯიშით, ფიქრით ამ თამაშზე და იმავეს გავაგრძელებთ. ხვალ ბრძოლის ველი არ იქნება, არამედ, უნდა ვისიამოვნოთ ამ ყველაფრით და როდესაც ადამიანი სიამოვნებას იღებს, ყველაფერი ძალიან მაღალ დონეზე გამოსდის და ჩემი ერთ-ერთი მიზანი ის იქნება, რომ ვისიამოვნო მოედანზე და დავეხმარო თანაგუნდელებს. ჩვენ მხოლოდ შედეგისთვის არ ვთამაშობთ, ჩვენთვის, მთავარია, გავიდეთ მოედანზე და ვაჩვენოთ მაქსიმუმი, რაც შეგვიძლია. ვნახოთ, რა შედეგი იქნება, მაქსიმუმს გავაკეთებთ.
შორიდან დამრტყმელები ჩვენც გვყავს, ჩვენც ვემზადებით. მე, მაგალითად, ყოველდღე ვცდილობ ვარჯიშებზე ამ კომპონენტში მუშაობას და თუ იქნება შესაძლებლობა, ვეცდები, რომ გოლი გავიტანო. დიდად არ მიყვარს ყურება არც ერთი ფეხბურთელის, ვინც ჩემს წინააღმდეგ თამაშობს, ვეცდები, სტადიონზე საწყის წუთებში გავიგო რას წარმოადგენს და ორთაბრძოლაში მოგებული მე დავრჩე”, | გიორგი ქოჩორაშვილის მატჩისწინა კომენტარი.
მსგავსი სტატიები:
სადღესასწაულო დღეებში ალკოჰოლური ინტოქსიკაციის გამო 700-მდე ადამიანია ჰოსპიტალიზებული
“ამოუვიდა ამ ხალხს უკვე ყველაფერი ყელში, ცვლილებებს ითხოვენ” – რა უთხრეს დღეს ოზურგეთში ანა დოლიძეს?
საქსტატი: შრომისუნარიანი მამაკაცის საარსებო მინიმუმი 216.3 ლარამდე შემცირდა
,,ენმ”-ს არ აქვს მორალური უფლება, დარჩეს პოლიტიკურ ველზე – არჩილ თალაკვაძე
“ზუსტად 5 წლის წინ , ამ დროს ჩემი შვილი კვდებოდა… მე ჯერ არაფერი ვიცოდი და აჟიტირებული ვგეგმავდი გადაცემას..”-მაია ასათიანი
12 პირობა და 6 თვე ევროკავშირისკენ – საქართველოს გადამწყვეტი ბრძოლა შიდა და გარე პოლიტიკურ ველზე
“რატომ გადაიქცა საქართველო “მონაკოს” ნაცვლად…რუსეთის მოღალატეების ნაგავსაყრელად?”– კოკოითი
რუსეთში მღვდელს, რომელმაც უკრაინაში შეჭრა დაგმო, მსახურება აუკრძალეს