აქტივისტი ვიტალი გუგუჩია, რომლის მაღაზიიდანაც დეპუტატმა ვიქტორ ჯაფარიძემ მოქალაქეს ფორთოხალი ესროლა, საგამოძიებო უწყებაში ბრალდების წარსადგენად დაიბარეს.
კერძოდ, საუბარია 31 მაისს მომხდარ შემთხვევაზე, როდესაც სამთავრობო, პროპაგანდისტული მედია POSTV-ის გადამღები ჯგუფი გუგუჩიას სახლში მივიდა და აქტივისტსა და მის ცოლს პროვოკაციულ შეკითხვებს უსვამდა. აღნიშნულს დაპირისპირება მოჰყვა.
თავდასხმის შედეგად, ფიზიკური დაზიანებები მიიღეს ვიტალი გუგუჩიას ცოლმა, დედამ და ერთ-ერთმა ბავშვმაც.
დღეს გუგუჩიას ცოლმა მირანდა ჯობავამ Facebook-ზე დაწერა, რომ აქტივისტს ორი მუხლით უყენებენ ბრალს – ძალადობა და ჟურნალისტური საქმიანობის ხელის შეშლა.
“კაცს, რომელსაც ცხოვრებაში, ერთი გადაცდომა არ აქვს ჩადენილი, კაცს, რომელსაც უსამართლო ცხოვრებაში არაფერი არათუ გაუკეთებია, არც უფიქრია, დაჭერას უპირებენ?!?! ქოცებო, როგორ ბედავთ, როგორ? არ მესმის! 12 წლის წინ რომ შეხებაც არ ჰქონია, ისეთი 3 კაცის დაჭერას აბრალებენ თან ზეპირად, ამოიღეთ მაგ წყეული არქივიდან საქმეები და გადაამოწმეთ!!!! ესენი ვინ არიან მართლა?!”- წერს ჯობავა.
გუგუჩია არის იმ მაღაზიის მეპატრონე, საიდანაც ქართული ოცნების დეპუტატმა ვიქტორ ჯაფარიძემ ფორთოხალი ესროლა ერთ-ერთ ადამიანს, რომელიც მას კანონის მიღების გამო ქუჩაში შეძახილებით დახვდა. რის შემდეგაც იგი მაღაზიაში ბოდიშის მოსახდელად დაბრუნდა, სადაც უთხრეს რომ “ფორთოხალი პრობლემა არ იყო, რადგან მან შვილებს მომავალი წაართვა”.
მსგავსი სტატიები:
Reuters, The Telegram, ABC News: საერთაშორისო მედია ზუგდიდში მიმდინარე მოვლენებზე წერს
შსს: საქართველოში პირველად ნარკოტიკული საშუალებების გასაღებაში არასრულწლოვანი იყო ჩართული
“არაფრის ერთი ადგილი თქვენ არა გაქვთ… არაფრის!“
“მართლა გიხარიათ? რა გიხარიათ, როდესაც იცით, რომ მთავარ ქალაქებში ცუდად გაქვთ საქმე?!” – არმაზ ახვლედიანი
მანდარინის ნარჩენების მძიმე სუნი და პროტესტი ციხისძირში – დაკავებულია ენმ-ს წევრი
“მთელი სისტემა პუტინ-ივანიშვილის დახმარებით, ჩემი ფიზიკური განადგურების ოპერაციას ახორციელებს”-მიხეილ სააკაშვილის მიმართვა ბაჩანა შენგელიას
,,ევროპისკენ”, ,,თავისუფლებისკენ” – აქცია ოზურგეთში, ჭადრების ბაღში
“რუსეთი იძულებულია, ბრძოლაში 40 წელზე მეტი ხნის რაკეტები გამოიყენოს”