აშშ-ს სახელმწიფო დეპარტამენტის სპიკერი, მეთიუ მილერი საქართველოსთან დაკავშირებით რუსეთის საგარეო დაზვერვის სამსახურის დირექტორის, სერგეი ნარიშკინის განცხადებას გამოეხმაურა.
მილერის თქმით, ბრალდებები, თითქოს აშშ საქართველოში “ფერადი რევოლუციის მოწყობას გეგმავს” კატეგორიულად მცდარია.
“ჩვენ ქართველ ხალხთან ერთად მუშაობის საამაყო ისტორია გვაქვს, რათა უფრო მშვიდობიანი, აყვავებული და დემოკრატიული საქართველო აშენდეს”. – განაცხადა მან.
მისი თქმით, “2008 წელს კრემლმა თავდასხმა მოაწყო და დღეს სუვერენული საქართველოს ტერიტორიის 20% აქვს ოკუპირებული, და ასევე უკრაინის წინააღმდეგ სასტიკ აგრესიის ომს განაგრძობს. ჩვენ რუსული აგრესიის წინააღმდეგ საქართველოს გვერდით ვდგავართ”.
სერგეი ნარიშკინი ირწმუნება, რომ რუსეთს საქართველოში “ფერადი რევოლუციის” არიდებაში წვლილის შეტანა სურს. ამის შესახებ მან რუსულ სამთავრობო-პროპაგანდისტულ მედია ТАСС-თან გუშინ ისაუბრა.
26 აგვისტოს რუსეთის საგარეო დაზვერვის სამსახური ირწმუნებოდა, რომ აშშ საქართველოში “ფერად რევოლუციას” ამზადებს. მსგავსი შინაარსის განცხადება ამავე ორგანომ ივლისის დასაწყისშიც გაავრცელა. მაშინ ირწმუნებოდნენ, რომ, მოახლოებული საპარლამენტო არჩევნების პარალელურად, აშშ საქართველოში მთავრობის ცვლილებას გეგმავდა, რაც შეიძლება “ფერად რევოლუციამდე” მისულიყო.
მსგავსი სტატიები:
ქვეყანაში ინდულგენცია არ აქვს არავის, მით უმეტეს ბატონი სააკაშვილისთვის – გიორგი გახარია
“ქუჩაში მანქანიდან გადმომძახა ახალგაზრდამ, სირცხვილიაო”- ვოლსკი
„ჭკვიან ადამიანთან დაისვენე! დაისვენე მასთან ერთად გევედრები!“
“გაჩვენებთ ამომრჩევლებზე ზეწოლას, მოსყიდვას, დაშინებას …. კატასტროფა ხდება..” – ირაკლი ღლონტი
კობახიძე: “უკრაინაში ვიზიტს არ ვაპირებ”
“ნაძარცვი, სისხლიანი ფულით ფინანსდებიან” – კობახიძის მორიგი თავდასხმა კრიტიკულ მედიაზე
„2050 წლისთვის საქართველო იქნება მცირერიცხოვანი სახელმწიფო – ყველაფერს გავაკეთებთ, რომ არ ახდეს გაეროს ეს პროგნოზი“
გინტურის მკვლელობის საკითხზე ევროპარლამენტის რეზოლუცია მკაცრია რუსეთის მიმართ – გრეგოროვა