“ქართული ოცნება” ირაკლი ღარიბაშვილის პრემიერობის დროს გამოცემულ მთავრობის განკარგულებს ისევ მალავს. 3 წლის განმავლობაში 2021- დან 2023 წლის ჩათვლით მთავრობა განკარგულებებს ისე გასცემდა, რომ ისინი არ საჯაროვდებოდა და არავინ იცოდა, მათი შინაარსი. ირაკლი კობახიძემ გაპრემიერების შემდეგ გასცა დაპირება, რომ მისი წინამორბედის განკარგულებებს გამჭვირვალეს გახდიდა, თუმცა, ეს დაპირება დღემდე არ შეუსრულებია. ჯამში ყოფილ პრემიერს 80 000 ზე მეტი დამალული განკარგულება აქვს.
საკუთარი განკარგულებების გასაჯაროება ახალმა პრემიერმა კობახიძემ რამდენიმე თვის წინ დაიწყო. თუმცა, ოფიციალური დოკუმენტების დიდი ნაწილი დაშიფრულია. უფრო კონკრეტულად კი, ის დოკუმენტები, რომელიც ფიზიკურ პირებს შეეხება. მაგალითისთვის კობახიძე არ ასაჯაროებს რომელ ფიზიკურ პირს გადაეცა სახელმწიფო საკუთრებაში არსებული ესა თუ ის მიწა, შენობა- ნაგებობა, ან ვის ჩამოეწერა სახელმწიფოს მიერ დაკისრებული ჯარიმები. პრემიერმა საჯარო მხოლოდ კომპანიების მისამართით მიღებული გადაწყვეტილებები გაასაჯაროვა.
კანონი ყველა პრემიერს ავალდებულებს გაასაჯაროოს გამოცემული განკარგულება, რათა მათზე წვდომა ჰქონდეს ნებისმიერ მოქალაქეს, მედიას და არასამთავრობო ორგანიზაციებს, რომლებიც მთავრობის მუშაობას ამ გზით გააკონტროლებენ. ქართული ოცნება უკვე წლებია, სხვადასხვა პრემიერების პირობებში უხეშად არღვევს კანონს. არასამთავრობო ორგანიზაციებმა და ჟურნალისტებმა არაერთხელ გამოითხოვეს მთავრობის ადმინისტრაციიდან განკარგულებების შესახებ ინფორმაცია, თუმცა, უშედეგოდ.
ოცნება ცდილობს ხალხს მის მიერ მიღებული უმნიშვნელოვანესი გადაწყვეტილებები დაუმალოს. ვის აძლევს სახელმწიფო ქონებას, ვის უფორმებს მარტივ შესყიდვებს და რატომ? – ოპოზიციაში ფიქრობენ, რომ ეს კორუფციის პირველი ნიშნებია.
მართლაც აპირებს თუ არა ირაკლი კობახიძე მისი წინამორბედი პრემიერის გადამალული განკარგულებები დღის შუქზე გამოიტანოს – უცნობია. ასევე უცნობია, რატომ არის თავად კობახიძის მიერ გამოცემული განკარგულებების ნაწილი დაშიფრული.
მთავარი არხი
მსგავსი სტატიები:
“გაგვხსნან, იმიტომ რომ დაგვკეტონ!- ხელისუფლებას კომფორტულ მართვაში ეხმარება”
Pfizer-ით აცრა საქართველოში 16 ივლისიდან დაიწყება
“მადლობა ჩემო ძმებო და დებო, მესმის თქვენი ხმა საპყრობილეში და ბრძოლის სურვილს მიათმაგებს, ვაწვებით გამარჯვებამდე”-მიხეილ სააკაშვილის გზავნილი
როგორი ამინდია მოსალოდნელი საქართველოში?
BBC: რუსეთში, ფსკოვში 60-მდე სამხედრომ უკრაინაში ბრძოლაზე უარი თქვა
”პაწე ხელიც და ტვინიც ქე უნდა გავანძრიოთ! თორემ ეს სპექტაკლი ცხოვრების ბოლომდე გაგრძელდება” – გია კორკოტაშვილი
„ხალხის მამა“- კადიროვის ახალი სტატუსი კონსტიტუციით დამტკიცდა
ომბუდსმენი: 347 295 ბავშვი საარსებო შემწეობაზეა – საზღვარგარეთ წასვლის მიზეზით სკოლა 5604 მოსწავლემ დატოვა