პოლონეთის პრეზიდენტმა, ანდჟეი დუდამ საქართველოს პრეზიდენტ სალომე ზურაბიშვილთან შეხვედრის შემდეგ გამართულ პრესკონფერენციაზე თქვა, რომ საქართველოს ევროკავშირში გაწევრიანების გზაზე ძალიან დიდი მნიშვნელობა აქვს 26 ოქტომბრის არჩევნების შედეგებს. მისივე თქმით, საქართველოს უნდა ჰყავდეს ხელისუფლება, რომელსაც ნამდვილად სურს ევროკავშირში გაწევრიანება და წევრობის წინაპირობებს ასრულებს.
“საქართველოში დემოკრატიული ძალები ცდილობენ მოიპოვონ პოლიტიკური უპირატესობა, ტარდება წინასაარჩევნო შეხვედრები, ამაზეც ვესაუბრე ქალბატონ პრეზიდენტს და ჩვენ, ყველა მოუთმენლად ველით, თუ რა გადაწყვეტილებას მიიღებს საქართველოს მოსახლეობა – ამომრჩეველი. ჩვენ, რა თქმა უნდა, მხარს ვუჭერთ საქართველოს ევროკავშირში მისწრაფებას. რა თქმა უნდა, არასდროს მეპარებოდა ეჭვი, რომ საქართველოს ევროკავშირის წევრობა სურს, მაგრამ თვით საქართველოსაც უნდა ჰყავდეს ისეთი ხელისუფლება, რომელსაც ნამდვილად სურს და ყველაფერს აკეთებს იმისათვის, რომ გახდეს ევროკავშირის წევრი, არამხოლოდ სურვილით, არამედ იმ პირობების შესრულებითაც, რომელიც საქართველოს ევროკავშირის წევრობის წინაპირობაა, ამიტომ საქართველოს სახელმწიფო უწყებები უნდა იყოს დემოკრატიული.
საქართველოში ახლახან “უცხოური გავლენის გამჭვირვალობის შესახებ” კანონი მიიღეს და რა თქმა უნდა, ევროკავშირის პოლიტიკოსებმა და ევროკავშირის წარმომადგენლებმა გამოთქვეს საკუთარი აზრი ამის შესახებ და ეს ყველასთვის აშკარაა და აღქმულია ისე, რომ პოლიტიკური ძალები ზღუდავენ არასამთავრობო ორგანიზაციებს და დემოკრატიისკენ მათ მისწრაფებას.
ვიმედოვნებთ, რომ საქართველოს გაწევრიანება ახლო მომავალში მოხდება და ამიტომ ამაზე ძალიან დიდი მნიშვნელობა აქვს არჩევნების შედეგებს. ჩვენ ყველა საკითხი განვიხილეთ და რა თქმა უნდა, ვგულშემატკივრობთ საქართველოს. მე ვკითხე ქალბატონ პრეზიდენტს ელოდებიან თუ არა დამკვირვებლებს უცხო ქვეყნებიდან და ქალბატონმა პრეზიდენტმა დაგვიდასტურა ეს. იმედი მაქვს, რომ არჩევნებზე საქართველოს მოსახლეობა გამოთქვამს საკუთარ აზრს და დაადასტურებს თავის ხმას მომავალ არჩევნებში”. – თქვა დუდამ.
სალომე ზურაბიშვილმა პოლონეთის პრეზიდენტთან შეხვედრამდე ვარშავის უსაფრთხოების კონფერენციაში მიიღო მონაწილეობა, სადაც ქართული ოცნების პოლიტიკაზე, მოახლოებულ არჩევნებსა და რუსეთიდან მომდინარე საფრთხეზე ისაუბრა.
მსგავსი სტატიები:
მედიაციის პირველმა ეტაპმა იმედგაცრუება გამოიწვია – კარლ ჰარცელი
კვარიათში, ზღვაში მაშველებმა ახალგაზრდა კაცის ცხედარი იპოვეს
ლანჩხუთის მერი აკეთიდან დაიფრინეს (ვიდეო)
ნედ პრაისი: საქართველოს მთავრობამ უზრუნველყოს სააკაშვილის საჭიროებების დაკმაყოფილება
“უკრაინაში ამერიკელი ჟურნალისტის გარდაცვალების გამო აშშ რუსეთს “შესაბამის შედეგებს” დაუწესებს”
სააკაშვილის ადვოკატი: “საერთოდ მიდის ქართული პოლიტიკიდან, არა მარტო ენმ-იდან”
ამ დილით ოზურგეთში კიდევ ერთი მიწისძვრა მოხდა
გურული ქალის ჩაცმულობა