რუსეთის საგარეო საქმეთა მინისტრის, სერგეი ლავროვის თქმით, დასავლეთი საქართველოში შიდა კონფლიქტის გაღვივებას ხელს უწყობს და ფერადი რევოლუციის მოწყობას ცდილობს. რუსული სამთავრობო არხის, ТАСС-ის ინფორმაციით, ამის შესახებ ლავროვმა დსთ-ს ქვეყნების უსაფრთხოების და სადაზვერვო სამსახურების ხელმძღვანელთა რიგით მე-20 შეხვედრაზე ისაუბრა.
“კოლექტიური დასავლეთი პროვოცირებს შიდა კონფლიქტებს, დაძაბულობის კერებს და არც სხვადასხვა ბინძურ გეოპოლიტიკურ ტექნოლოგიებს უგულებელყოფს – დაწყებული ფართომასშტაბიანი საინფორმაციო ომებით, დამთავრებული პირდაპირ ფერადი რევოლუციების ორგანიზებით, როგორც ახლა ამას საქართველოში ცდილობენ” – თქვა რუსეთის საგარეო საქმეთა მინისტრმა.
ТАСС-ის ცნობით, რუსეთის საგარეო საქმეთა სამინისტროს ხელმძღვანელმა ასევე აღნიშნა, რომ “დასავლეთი გლობალური სამხრეთისა და გლობალური აღმოსავლეთის ქვეყნებში შიდაპოლიტიკური სიტუაციის დესტაბილიზაციისთვის აქტიურად იყენებს არასამთავრობო ორგანიზაციების ფართო ქსელს”.
“საქმე იქამდე მივიდა, რომ დასავლეთის ქვეყნები თავიანთი დესტრუქციული გეოპოლიტიკური გეგმის განსახორციელებლად, მათ შორის დსთ-ს წევრ ქვეყნებში, ექსტრემისტულ ძალებს მიმართავენ”.- თქვა ლავროვმა.
მსგავსი სტატიები:
ტაძარი მთიულეთში, სადაც საიდუმლოებით მოცული და სასწაულმოქმედი ჯვარი ინახება
რა დასკვნა დაიდო ადამიანების უფლებების დარღვევაზე- HRC 2020 წლის ანგარიში
“საქართველოს ხელისუფლება საერთაშორისო ტრიბუნალის წინაშე უნდა წარსდგეს!” – ევროპარლამენტარი იაცეკ სარიუშ-ვოლსკი
ლანჩხუთში აფხაზეთის ომის გმირის საფლავი გაძარცვეს
“ბავშვმა მითხრა, დედა, იქ აფეთქებაა” – რას ჰყვებიან უკრაინის ონკო კლინიკის პაციენტები
“ეს ხალხი სახეს უცვლის ქართული ტურიზმის ეთიკასაც, კულტურასაც და მომავალში დიდ დარტყმას მოგვაყენებს”
ვგმობ და წინააღმდეგობას ვუცხადებ „აგენტების კანონს“ – ნიკოლოზ რაჭველი
დგება მომენტი, როცა დუმილი დანაშაულია, ზღვარი სამშობლოა – არა რუსეთს! – ქვილითაია