კობახიძე ნაწარმოებების ამოღებაზე: მოსწავლეების მხრიდან იყო მოთხოვნა – გავითვალისწინეთ

საქართველოს პრემიერმინისტრი, ირაკლი კობახიძე 2025 წლის ერთიანი ეროვნული გამოცდების ქართული ენისა და ლიტერატურის პროგრამაში ცვლილებებს გამოეხმაურა.

როგორც ირაკლი კობახიძე განმარტავს, აღნიშნულ საკითხთან დაკავშირებით, მოსწავლეების მხრიდან იყო მოთხოვნა, რომ ერთიანი ეროვნული გამოცდების ქართული ენისა და ლიტერატურის საგამოცდო პროგრამაში აღარ შესულიყო “ისეთი თემები, რომლებიც სავალდებულო პროგრამით არ იყო გათვალისწინებული”

“იყო მოთხოვნა მოსწავლეების მხრიდან, რომ საგამოცდო საკითხებში არ შეგვეტანა ისეთი თემები, რომლებიც სავალდებულო პროგრამით არ იყო გათვალისწინებული, რაც არის რა თქმა უნდა, ჯანსაღი მოთხოვნა – შენ თუ არ გევალებოდა სკოლაში რაღაცის სწავლა, ბუნებრივია, შემდეგ, გამოცდაზე ამის ჩაბარება არ უნდა მოგთხოვონ.

შესაბამისად, გავითვალისწინეთ მოსწავლეების მოთხოვნები, მხედველობაში მივიღეთ და არასავალდებულო აღარ იქნა შეტანილი პროგრამაშ და მათ შორის აღმოჩნდა ეს კონკრეტული ლიტერატურული ნაწარმოებები და კონკრეტული პასაჟები სახელმძღვანელოებიდან, რომელიც არ იყო სავალდებულო პროგრამის ნაწილი.

მე გადავავლე თვალი, მაგალითად ლიტერატურის ჩამონათვალს, რომელიც არ შედის სავალდებულო პროგრამაში და ეს არის, უბრალოდ გამაოგნებელი – არ შეიძლება ის ნაწარმოებები, აქ არის საუბარი ქართულ პროზასა და ქართულ პოეზიაზე, უბრალოდ არ შეიძლება ეს ნაწარმოებები არ შედიოდეს სავალდებულო პროგრამაში.

ეს არის ჩვენი გუნდის პასუხისმგებლობა რაღაც პრობლემა იყო მოსავლელი ამ 12 წლის განმავლობაში, თუმცა ჩანს, რომ არ არის სათანადოდ მოვლილი, რასაც რა თქმა უნდა, უნდა მივხედოთ”. – თქვა ირაკლი კობახიძემ.

ცნობისთვის, 26 ნოემბერს ერთიანი ეროვნული გამოცდების 2025 წლის საგამოცდო პროგრამები გამოქვეყნდა.

2024 წლის საგამოცდო პროგრამასთან შედარებით, ქართული ენისა და ლიტერატურის პროგრამიდან ამოღებულია მრავალი ნაწარმოები – მათ შორის, სრულად ამოიღებულია რამდენიმე მწერლის (ალექსანდრე ჭავჭავაძის, ალექსანდრე ყაზბეგის, პოლიკარპე კაკაბაძის, პაოლო იაშვილის) ნაწარმოებები.

გააზიარეთ და მოიწონეთ სტატია:

მსგავსი სტატიები:

“ბიძინა ივანიშვილმა საარჩევნო ოქმები „გააპრავა“,მელიას დაჭერა „გააპრავა“” ჩვენი შიდა კვლევებით, მყარად ვდგავართ ფეხზე – კუჭავა ჯანდაცვის 3 000 მუშაკი აუცრელობის გამო სამსახურიდან გაუშვეს ლადო აფხაზავა: აღარ ჭრის მუქარა- “შენს კუბოზე დავაჭედებ ბოლო ლურსმანს”.. “თუ უკრაინაში ჯარს გააგზავნი, მაქსიმუმ ერთ თვეში ხელისუფლებაში აღარ იქნები და ძალიან ცუდად დაასრულებ” – მიხეილ სააკაშვილი ლუკაშენკოს შესაძლოა, მიმდინარე და მომავალ კვირას კორონავირუსით ინფიცირების შემთხვევების პიკი იყოს-ივანე ჩხაიძე “პოლიტიკური დევნა” – ნიკა გვარამიას საქმე სახდეპის ანგარიშში მოხვდა თსუ-ს შენობა პრემიერ-მინისტრმა ხმაურის ფონზე დატოვა