ახალი წლის შემდეგ, „ოცნება“ პოლიტიკოსების და პროფესორ- მასწავლებლების გასამართლებას გეგმავს

რეპრესიების ახალი ტალღა – გზის ხელოვნურად გადაკეტვის ბრალდებით, ახალი წლის შემდეგ იმ პოლიტიკოსების, ადვოკატების და პროფესორ- მასწავლებლების გასამართლებას აპირებენ,  ვინც აქციაზე დგას.

ერთ-ერთი პოლიტიკოსი, ვინც სასამართლოში დაიბარეს “ერთიანობა – ნაციონალური მოძრაობის” თბილისის ორგანიზაციის ხელმძღვანელი, სოფო ჯაფარიძეა. ოპოზიციონერ პოლიტიკოსს ადმინისტრაციულ სამართალდარღვევას ედავებიან.

ჯაფარიძე ამბობს, რომ მისი პროცესი საქალაქო სასამართლოში 3 თებერვალსაა ჩანიშნული.

პროცესი 3 თებერვალსაა ჩანიშნული, მე 2 დღის წინ დამირეკეს, დამიბარეს, დამატებითი კითხვაც არ გამჩენია, ეს არის მორიგი ცირკი, რასაც ყოველდღე ვუყურებთ. შესაბამისად, კიდევ ერთხელ ვიტყვი, ვერ შეგვაშინებენ, ვერ გაგვაჩერებენ, ვერც სასამართლოთი და ვერც ვერაფრით, რადგან ჩვენ ისტორიის სწორ მხარეს ვდგავართ“, -უთხრა “პირველებს“ ჯაფარიძემ.
სასამართლოში დაიბარეს ილია სახელმწიფო უნივერსიტეტის ის ლექტორები, ვინც 17 დეკემბერს რეჟიმის წინააღმდეგ საპროტესტო მარშში მონაწილეობდნენ.

17 დეკემბერს, სახელმწიფო უნივერსიტეტთან შევიკრიბეთ სტუდენტები- ლექტორები და მშვიდობიანი მსვლელობით გავემართეთ პარლამენტის წინ. სულ რამდენიმე დღის წინ სასამართლოდან განხორციელდა ზარი და აღმოჩნდა, რომ მიმდინარეობს გამოძიება, თითქოსდა, განხორციელდა გზის ხელოვნური გადაკეტვა. აღნიშნული აქციიდან მე მქონდა ლაივ ჩართვები ტელევიზიების ჟურნალისტებთან და დიდი ალბათობით, აღნიშნული ჩართვაა ამოღებული მტკიცებულებად“, – ამბობს  გიორგი კონდახიშვილი.
ოპოზიციონერი პოლიტიკოსები და აქტივისტები მიიჩნევენ, რომ “ოცნება“ აგონიაშია და დაკავების და დაშინების გარდა, სხვა ბერკეტი აღარ დარჩათ.“

დღეს ისინი აგონიაში არიან. რა თქმა უნდა ეს არის ერთგვარი ინერცია, რასაც ისინი აკეთებენ, რადგან სხვა ბერკერტი აღარა დარჩათ, გარდა დაკავების და დაშინებია, მაგრამ ფაქტია ეს არ მუშაობს. მათგან სხვა სიკეთეებს არ უნდა ველოდეთ, შეიძლება ისინი ხვალვე ჩამოიშალონ, მაგრამეს თუ ასე არ მოხდება, ამისთვის უნდა ვიყოთ მზად“, – ამბობს ბორის ჩელე ყურუა.