სამცხე-ჯავახეთის დანიშნულების ადგილის მართვის ორგანიზაციის თანამშრომელი, ნინო ხაზალაშვილი წერს, რომ სამსახურიდან გაათავისუფლეს.
ხაზალაშვილი აღნიშნავს, რომ მისი გათავისუფლება ერთ-ერთი პოსტის “დაჰაჰავებას” უკავშირდება.
“ბევრად უარესები ხდება ქვეყანაში, მაგრამ რადგანაც ამბავი ჯერ კიდევ დუღს, დავაკონკრეტებ – დიახ თანამოქალაქენო, გამათავისუფლეს, ჩემი ნებით არ წამოვსულვარ. მიზეზი ვერ დამისახელეს. რამდენიმე კვირის წინ დაინტერესდნენ, რომ თურმე პოსტი დამიჰაჰავებია. მინდა გითხრათ, ნამდვილად არ იყო შემთხვევითი.
კვირების განმავლობაში შეგნებულად გამოვხატავდი რეაქციებს სამოქალაქო აქტივიზმთან (!) დაკავშირებულ პოსტებზე და ველოდი როდის მომადგებოდნენ. მეტი არანაირი აქტივობა არ მქონია. არც, სტატუსი დამიწერია, არც კომენტარი, არც გამიზიარებია რამე. შეგნებულად არ მინდოდა დამატებითი მიზეზის მიცემა. ბედის ირონიით ყველაზე უწყინარი პოსტის დაჰაჰავებით შეწუხდნენ. არანაირ კავშირში სისტემასთან, პოლიტიკასთან, კრიტიკასთან… მაგრამ, აბა, პარტიის მომღერლის აბუჩად აგდებას ხო არ “შემარჩენდნენ”?! თან, რო არც მოვინანიე. ნწ! ნწ! მოკლედ, მიუხედავად იმისა, რომ ვემზადებოდი, მაინც არ მეჯერა პოსტის მოწონება/არმოწონების გამო თუ გამიშვებდნენ სამსახურიდან. წარბიც არ შეუხრიათ! გავაფორმეთ ერთთვიანი ხელშეკრულება და ოფიციალურად იანვრის ბოლოდან თავისუფალი ვარ.
გული მწყდება, როგორ არ მწყდება. მთელი გული და სული ჩავდე ამ მუნიციპალურ ა(ა)იპში, DMO-დ რომ ქცეულიყო. რომ ვთქვა ძალისხმევა მენანება მეთქი, არც მენანება. განა 5 წლის წინ არ ვიცოდი სად მივდიოდი? მაგრამ მე ასე მწამს, ასე გამზარდეს, სანამ იმედის ნატამალი დაგვრჩენია და ძალა შეგვწევს, ყველამ ჩვენი წილი აგური უნდა დავდოთ ქვეყნის მშენებლობაში. ყველამ, ვისაც როგორ შეგვიძლია. დაგვინგრევენ? ავაშენებთ. ასე მოვსულვართ, ასე გავაგრძელებთ. რიგითი ხორცის ნაჭერი ნამდვილად ვერ გავხდები ჩემს სამშობლოში. სხვებსაც გირჩევთ, თუმცა ვერავის დაგაძალებთ. ვიცი, ძალიან ბევრი განიცდით ამ ამბავს, ნაწილი გამოხატავს, ნაწილი თავს შეიკავებს. ჩემზე ნუ იღელვებთ, არ დავიკარგები. მთავარია, ჩვენი ლამაზი ქვეყანა დავალაგო”, – წერს ის.
/mtavari.tv/
მსგავსი სტატიები:
2020 წელს შიმშილით 7 მილიონი ადამიანი დაიღუპა
გიორგი გახარია – გია ცეცხლაძე არის ერთ-ერთი სანიმუშო საჯარო მოხელე
მზიანი თალაკვაძემ და მგელაძემ მოიგეს
“ერთ საიდუმლოს გაგიმხელთ” – გია ხუხაშვილი
წილოსანი: ომის შემდეგ, ზელენსკი გააანალიზებს, რაც საქართველომ გააკეთა მათ მხარდასაჭერად
“დალოცვილო, მიგეღოთ შეწყალების გადაწყვეტილება” – ჩარკვიანი პრეზიდენტს
ზოგი ადრე მიხვდა, რომ ივანიშვილმა მთელი ქვეყანა მოატყუა, ზოგმა თანდათან დაიჯერა, ზოგიც გვიან მიუხვდა”
ოზურგეთში ნაპირსამაგრი სამუშაოების მიმდინარეობისას საავტომობილო ხიდი დაზიანდა-ამ დროისათვის მოძრაობა შეზღუდულია