2024 წელს, საქართველოში ცოცხლად დაბადებულთა რიცხოვნობამ 39 483 ბავშვი შეადგინა, მათ შორის 20 755 ბიჭი და 18 728 გოგოა. აღნიშნული მაჩვენებელი, წინა წელთან შედარებით შემცირებულია 1.8 პროცენტით.
საქსტატის მონაცემებით, 2024 წელს, დაბადებულთა ყველაზე მეტი რიცხოვნობა დაფიქსირდა ქ. თბილისში (14 415 ბავშვი), ხოლო ყველაზე მცირე – რაჭა-ლეჩხუმისა და ქვემო სვანეთის რეგიონში (237 ბავშვი).
ამის პარალელურად, 2024 წელს 2023 წელთან შედარებით, გარდაცვლილთა რიცხოვნობა 2.8 პროცენტით გაიზარდა და 43 971 ერთეული შეადგინა. გარდაცვალების ყველაზე მეტი შემთხვევა დაფიქსირდა ქ. თბილისში (12 492 კაცი), ხოლო ყველაზე ნაკლები – რაჭა-ლეჩხუმისა და ქვემო სვანეთის რეგიონში (533 კაცი).
2024 წლის მონაცემების მიხედვით, ჩვილ ბავშვთა მოკვდაობის კოეფიციენტმა (1 წლამდე გარდაცვლილთა რიცხოვნობა 1 000 ცოცხლად დაბადებულზე) 7.4 პრომილე შეადგინა. 2024 წელს, 5 წლამდე ასაკის გარდაცვლილთა კოეფიციენტმა (1 000 ცოცხლად დაბადებულზე) 8.6 პრომილე შეადგინა.
ამ მონაცემების თანახმად, 2024 წელს, საქართველოში დაფიქსირდა უარყოფითი ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) და -4 488 ერთეულით განისაზღვრა. ამასთან, უარყოფითი ბუნებრივი მატება დაფიქსირდა ყველა რეგიონში, გარდა თბილისის, აჭარის ავტონომიური რესპუბლიკისა და ქვემო ქართლის რეგიონისა.
bm.ge
მსგავსი სტატიები:
“დროა, “ქართულმა ოცნებამ” მინიმალური პოლიტიკური პასუხისმგებლობა მაინც გამოიჩინოს და დანიშნოს ვადამდელი არჩევნები”
“გაყალბებულ და არალეგიტიმურ პარლამენტებში ფრაქციებს არ ქმნიან” – ოხანაშვილი ოპოზიციაზე
“სრულიად გაუგებარია…ნუთუ, მიშა ისეთი მიუღებელია, რომ პუტინი გირჩევნიათ“ – მაკა ჩიჩუა
”ცრუ დაპირებების ხარჯზე მიღწეული გამარჯვების შემდეგ, “ქართულმა ოცნებამ” ხალხის ინტერესების აბუჩად აგდება დაიწყო”
“სამწუხაროა, რომ მსოფლიოსთვის კრიტიკულ დროს, მიხეილ სააკაშვილი თავისუფალი არაა… – პუტინის ყოფილი მრჩეველი
ვლადიმერ პუტინის მოკვლა სცადეს – კირილ ბუდანოვი
უჩა მამაცაშვილის პროცესი საქალაქო სასამართლოში – რას ედავება ივანშვილის დეიდაშვილი სამოქალაქო სექტორს
ოზურგეთელმა ლაშა ჭეფხოძემ საერთაშორისო ტურნირზე ოქრო მოიპოვა