მიხეილ სააკაშვილი – ბრძოლა აუცილებლად უნდა გაგრძელდეს და გამარჯვებამდე მივიდეს – ჩვენი ამოცანაა სიმტკიცე, უკან არ დახევა! – ერთობის ძალიან ეშინიათ

ჩვენი ბრძოლა აუცილებლად უნდა გაგრძელდეს და გამარჯვებამდე უნდა მივიდეს-ჩვენი ამოცანაა სიმტკიცე, უკან არ დახევა! ჩვენი ერთობის ძალიან ეშინიათ, – ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე სიტყვით გამოსვლისას განაცხადა.

როგორც სააკაშვილი აცხადებს, მან ხალხს მოუტანა სახელმწიფოებრიობა, რაც მისივე განმარტებით, „ჩვენი დამპყრობლის მიერ დასჯადი ქმედებაა“.

„რაც არ უნდა იყოს, როგორ არ უნდა გააკეთონ. ჩვენი ბრძოლა აუცილებლად უნდა გაგრძელდეს და გამარჯვებამდე უნდა მივიდეს. ვიბრძვით რათა გამარჯვება მოვიპოვოთ. მე ხალხს მოვუტანე სახელმწიფოებრიობა, ეს ჩვენი დამპყრობლის მიერ დასჯადი ქმედებაა. ჩვენი ამოცანაა სიმტკიცე, უკან არ დახევა. ჩვენი ერთობის ძალიან ეშინიათ. ერთიანობას არ აქვს ალტერნატივა. მინდა, მადლობა ვუთხრა ბევრ ოპოზიციონერ პოლიტიკოსს, არა მხოლოდ ჩემი პარტიიდან“, – განაცხადა სააკაშვილმა.

ამასთან, მისივე თქმით, „თუ ვინმე იძახის რომ მიხეილ სააკაშვილი არ არის პოლიტპატიმარი, ეს მათ სინდისზე უნდა იყოს“.

„ჩვენმა ხალხმა კარგად იცის ვინ არის მთავარი საფრთხე ამ რეჟიმისთვის, ვისი ეშინიათ ყველაზე მეტად“, – აღნიშნა სააკაშვილმა.

გარდა ამისა, მან “ნაციონალური მოძრაობის“ ხელისუფლების საქმიანობის შემსწავლელ პარლამენტის დროებით საგამოძიებო კომისიაზეც ისაუბრა და აღნიშნა, რომ საქართველოს არანაირი კანონიერი საგამოძიებო კომისია არ ჰყავს.

„სპეციალურად მოხდა პროცესების გადაფარვა, ხაზარაძე-ჯაფარიძის და ჩემი, რათა ხალხამდე სიმართლე არ მივიდეს.

ამ დღეებში პირდაპირ ეთერში მიმდინარე სამშობლოს ღალატის მომსწრე ვართ. საგამოძიებო კომისიის ფორმატი არის ჩემი მოგონილი, როდესაც პარლამენტის იურიდიული კომიტეტის თავმჯდომარე ვიყავი. ახლა საქართველოს პარლამენტი არ ჰყავს, თვითგამოცხადებული ორგანოა, არანაირი კანონიერი საგამოძიებო კომისია არ ჰყავს. ოლიგარქმა შეასრულა თავისი დანაპირები, რომელიც გასულ წელს, აპრილში რუსთაველზე გამოსვლის დროს თქვა, ის ემზადება ბოდიშის მოსახდელად, ასრულებს იმ დანაპირებს რაც მისცა ჩვენს დამპყრობელს, რუსეთს“, – აღნიშნა სააკაშვილმა.

გააზიარეთ და მოიწონეთ სტატია:

მსგავსი სტატიები:

“დეგენერატებივით მარტო ერთმანეთში მეგობრობენ “ქოცები” – ბაია პატარაია სპეცოპერაცია ქობულეთში – ნარკოდანაშაულისთვის ახალგაზრდა დააკავეს აბების მიღებაზე დაგვთანხმდა, ჰოსპიტალიზაციაზე უარი თქვა – კონსილიუმის წევრი მიხეილ სააკაშვილზე საკეისრო კვეთის დროს ორსული, 19 წლის გოგო გარდაიცვალა მტერზე უარესი მოყვარე – ვინ რჩება მსოფლიოში პუტინთან ვამჯობინებდი, რომ სააკაშვილის პრობლემა ქართველებს მოგვშორებოდა და ისე გვეცხოვრა ამ ქვეყანაში – იაგო ხვიჩია 14 მედალი ოზურგეთელი კარატისტებისგან ბათუმის საკრებულოს თავმჯდომარე, რამაზ ჯინჭარაძე გადადგა