“თქვენ კიდევ შეგიძლიათ გონზე მოხვიდეთ, სანქციები შეიძლება თქვენც დაგეწიოთ” – პრეზიდენტი ზურაბიშვილი რეპრესიებში მონაწილე საჯარო მოხელეებს

სალომე ზურაბიშვილი დიდი ბრიტანეთის მიერ, ოცნების რეჟიმის მაღალჩინოსნების დასანქცირებას ეხმაურება და რეპრესიებში მონაწილე საჯარო მოხელეებს მიმართავს.

მისივე შეფასებით, ბრიტანულმა სანქციებმა ოცნება გააღიზიანა, რადგან სწორედ იქ ინახავს ქონების დიდ ნაწილს ივანიშვილი.

“ბრიტანეთი არის ის ქვეყანა, სადაც ძალიან დიდი ნაწილი აქტივები აქვთ ბევრ მაღალჩინოსნებს შენახული და ამიტომ ბრიტანეთის ასეთი გააქტიურება სანქციების კუთხით მათთვის არის საგანგაშო. ასევე ვიცით, რომ ბრიტანეთის ოფშორული კუნძულებიდან გადმოიტანა ცოტა ხნის წინ, ბატონმა ივანიშვილმა თავისი აქტივები ნახევარი მილიარდი დოლარის ოდენობით, ნახატები და ა.შ. ეს გვიჩვენებს, რამდენად მნიშვნელოვანია ბრიტანეთის გადაწყვეტილებები და თუნდაც ის, რომ ეს გადაწყვეტილებები ეხება მაღალჩინოსნებს მოსამართლეებს, პროკურორებს, გამომძიებლებს და ეს არის ძალიან მნიშვნელოვანი…

მინდა მივმართო მოსამართლეებს, საჯარო მოხელეებს, ყველას ვინც არის ჩართული ამ რეპრესიებში სხვადასხვა კუთხით და ვუთხრა, რომ – თქვენ კიდევ შეგიძლიათ გონზე მოხვიდეთ და არ იყოთ იყოთ მონაწილე, არ შეხვიდეთ რეჟიმთან ამ ტიპის თანამშრომლობაში, რამეთუ არამხოლოდ ეს სანქციები შეიძლება თქვენც დაგეწიოთ, არამედ თქვენ მორალურად იქნებით ჩვენი საზოგადოების წინაშე პასუხისმგებელი ამაზე.

ჩვენი, წინააღმდეგობის პლატფორმის მხრიდან არ არის არანაირი სურვილი მომავალში რამე შურისძიების იმიტომ, რომ შურისძიება ამ ქვეყანაში საკმარისად ვნახეთ და ვხედავთ დღესაც” აღნიშნა ზურაბიშვილმა.
შეგახსენებთ, დიდმა ბრიტანეთმა 10 აპრილს სანქციები დაუწესა “ოცნების” შს მინისტრის მოადგილე შალვა ბედოიძეს, სპეციალურ დავალებათა დეპარტამენტის ხელმძღვანელის მოადგილეს მირზა კეზევაძეს, სპეციალური საგამოძიებო სამსახურის უფროსს კარლო კაციტაძეს და გენერალურ პროკურორს გიორგი გაბიტაშვილს.

ოთხივე სანქცირებულს გაეყინება აქტივები და დაუწესდება სავიზო შეზღუდვა.

გააზიარეთ და მოიწონეთ სტატია:

მსგავსი სტატიები:

iPhone-ბის “წყალგაუმტარობის” გამო კომპანია Apple 10 მილიონი ევროთი დააჯარიმეს აჭარაში ტურისტული სეზონი 15 ივნისს ოფიციალურად გაიხსნება “არ ჩამოხვიდეთ ბათუმში დასასვენებლად, მაღალი რისკია” “ერთ საიდუმლოს გაგიმხელთ” – გია ხუხაშვილი უკრაინის მხარდასაჭერ საქველმოქმედო აუქციონზე ზელენსკის ქურთუკი 90 000 ფუნტად გაიყიდა „ისტორიის არასწორ მხარეზე დგომა და გამოთაყვანება დასჯადი უნდა იყოს!“ – ილია ჭიღლაძე მეწყერში მოყოლილი კაცის პოვნა ამ დრომდე ვერ მოხერხდა “დამირეკეს კორუფციული ბიუროდან, გზავნილია თქვენზეო” – ხათუნა ლაგაზიძე