პოლიტიკური ორაზროვნების დრო დასრულდა, დადგა დრო, გაეცეს პასუხი კითხვას, შევდივართ თუ არა ფარსში, სახელად ადგილობრივი არჩევნები – ამის შესახებ საგანგებო განცხადება კოალიცია “ცვლილებებისთვის” ერთ-ერთმა ლიდერმა ნიკა მელიამ გააკეთა.
ოპოზიციონერი პოლიტიკოსი დარწმუნებულია, რომ 26 მაის ყველა პოლიტიკური სუბიექტი ამ კითხვას პასუხს გასცემს.
მელიას თქმით, არათავსებადია ერთმანეთთან, იყო უკომპრომისო ბრძოლაში და ამავე დროს სერიოზულად განიხილავდე 4 თვით ადრე ე.წ. ადგილობრივ არჩევნებში შესვლას.
ისმის კითხვა, რა არის გემა ბოიკოტის შემდეგ, პასუხი თავად ბოიკოტია – ამბობს მელია.
„6 დღეში 26 მაისია – ისტორიული მნიშვნელობის დღე, რომელსაც ამჟამინდელმა ვითარებამ ახალი და დამატებითი ფუნქცია შესძინა, ჩვენ კი დაგვაკისრა ვალდებულება ვიბრძოლოთ დამოუკიდებლობის შენარჩუნებისთვის, რადგან ქვეყნის სუვერენიტეტს და მის მისწრაფებას კვლავაც არყევს რეჟიმის ანტიქართული პოლიტიკა. პოლიტიკური ბუნდოვანების დრო დასრულდა, დადგა დრო, რომ პოლიტიკური ორაზროვნება დასრულდეს, პოლიტიკური მკაფიოობის დრო დადგა, ყველა კითხვაზე პასუხის გაცემის დრო დადგა – რას ვაკეთებთ, ანუ შევდივართ თუ არა ფარსში სახელად – ადგილობრივი არჩევნები, ამას პასუხი ძალიან მკაფიოდ უნდა გაეცეს.
მე არასდროს მითქვამს უარი არჩევნებზე, არჩევნები გააუქმა „ქართულმა ოცნებამ“ და შენ ვერ შეხვალ იქ, რაც არ არსებობს, იქ შესვლით არარსებულის ლეგიტიმაციაა. ძალიან მნიშვნელოვანია ამ ეტაპზე ამ კონკრეტულ კითხვაზე პასუხი გაეცეს, ვინაიდან გაყალბებული არჩევნების შემდეგ, ყველა პოლიტიკურმა პარტიამ გადაწყვიტეთ და შევედით ბოიკოტში, ამით ხალხი დარწმუნდა, რომ ბრძოლა ბოლომდე ღირს, ეს ბრძოლა მიმდინარეობს, პროტესტი ურყევია, ქვეყანას 50-ზე მეტი პოლიტიკური პატიმარი ჰყავს, ახლა ეს ხალხი გვთხოვს, მინიმუმ გვეკითხება, რას ვაპირებთ ამ თვალსაზრისით. ძალიან დიდი იმედი მაქვს, რომ 6 დღეში, 26 მაისს, ყველა პოლიტიკური სუბიექტი, თუ ცალკეული ადამიანი, ვინც ვალდებულია საზოგადოების წინაშე ამ კითხვაზე გასცეს პასუხი, [გასცემს პასუხს] და ამით არ დაემსგავსება 26 მაისი 31 მარტს. არათავსებადია უკომპრომისო იყო ბრძოლაში და ამავე დროს, სერიოზულად განიხილავდე უკვე 4 თვით ადრე ე.წ. ადგილობრივი თვითმმართველობის არჩევნებში შესვლაზე.
აქა-იქ ისმის კითხვა, რა არის ბოიკოტის შემდეგ გეგმა. პასუხი – არათუ რა არის გეგმა ბოიკოტის შემდეგ, არამედ თავად ბოიკოტი არის გეგმა, თავად ქვეყნის შიგნით რეჟიმთან პოლიტიკური არ თანამშრომლობა არის გეგმა, პოლიტიკური საერთაშორისო იზოლაციის გაღრმავება, გაფართოება არის გეგმა. საზოგადოება მინიმუმ, ყველა პოლიტიკური სუბიექტისგან ყოველგვარი თავდასხმის გარეშე, მკაფიოდ საჭიროებს პასუხს, თუნდაც, გულწრფელად ვთქვათ, დიახაც, გვინდა შესვლა ამ ტიპის არარსებულ არჩევნებში, მაგრამ ესეც პასუხია, მაგრამ ორაზროვნება და ბუნდოვანება წინააღმდეგობრივ მოძრაობას ძალიან ასუსტებს. 26 მაისს ყველას ვთხოვდი, რაც შეიძლება ბევრნი ვიყოთ რუსთაველის გამზირზე, მაგრამ ძალიან დიდ იმედს ვიტოვებ, რომ 31 მარტის მსგ
მსგავსი სტატიები:
ვოლსკი კარტოგრაფებს არასპეციალისტ მიწათამზომველებს უწოდებს
სალომე ზურაბიშვილი გიორგი რურუას 27 აპრილს შეიწყალებს
ზაზა სარალიძე შვილის მკვლელობაში ბრალდებულების გათავისუფლებას ითხოვს და პრეზიდენტს მიმართავს
პარლამენტთან უკრაინის მხარდამჭერი აქცია მიმდინარეობს
„განახლებული რეგიონები“-ს პროგრამის ფარგლებში, ლანჩხუთის ცენტრალური მოედნის რეაბილიტაცია დასრულდა
კურორტი გომისმთა გაზაფხულზე – ფოტო
ხვალ ისტორიული თამაში გვაქვს და აქ იმისთვის ჩამოვედი, რომ სტადიონზე ბევრი ვიყოთ – გიორგი ჯანელიძე
საქართველოში ბიზნესის ნდობა 2025 წელს მნიშვნელოვნად გაუარესდა – ევროკომისიის ანგარიში