“ოცნება” რუბიოს განცხადებას უნდა დაუფიქრდეს და უნდა შეწყვიტოს ქართველი ხალხის ინტერესების გაყიდვა რუსეთზე, ჩინეთსა და ირანზე, – ამის შესახებ “საერთაშორისო გამჭვირვალობა – საქართველოს” ხელმძღვანელმა, ეკა გიგაურმა განაცხადა.
მესამე სექტორის წარმომადგენლის თქმით, იმ შემთხვევაში, თუ ივანიშვილის რეჟიმი სინდისის პატიმრებს ციხის კარს არ გაუღებს, დრაკონულ კანონებს არ გააუქმებს და ანტიამერიკული განცხადებების გაკეთებას არ შეწყვეტს, სტრატეგიულ პარტნიორთან ურთიერთობებს ვერ გადატვირთავს.
”ისინი ამერიკის სახელმწიფო ინტერესებს სხვა კუთხით იყენებენ. “მეგობარ აქტში” აღნიშნული არის რუსეთთან ერთად, ირანის და ჩინეთის გავლენები. ამ მიმართულებითაც სცოდავენ “ოცნების” წარმომადგენლები. ჩვენ ვხედავთ საქართველოში ირანის და ჩინეთის გავლენების გაძლიერებას. ესეც არის ის კუთხე, რა კუთხითაც ისინი საქართველოში არსებულ პრობლემებს უყურებენ. მგონია, რომ ამ განცხადებას “ქართული ოცნება” უნდა დაუფიქრდეს. ტყუილია, რომ მათ არ იციან, რა უნდა გააკეთონ. არსებულმა ადმინისტრაციამაც მათ უთხრა, რა არის მათგან მოსალოდნელი, თუ უნდათ, რომ ნორმალიზება მოხდეს ურთიერთობების. აქ არის საუბარი პოლიტპატიმრების გათავისუფლებაზე, ანტიამერიკული პროპაგანდის შეწყვეტაზე, კანონების გაუქმებაზე.” – განაცხადა ეკა გიგაურმა.
ცნობისთვის, ამერიკის შეერთებული შტატების სახელმწიფო მდივანმა “ქართული ოცნების” ხელისუფლებას “ანტიამერიკული მთავრობა” უწოდა – მარკო რუბიომ აშშ-ის კონგრესის ქვედა პალატის საგარეო საქმეთა კომიტეტზე გამოსვლის დროს, ჯო უილსონის კითხვის საპასუხოდ დაანონსა ისიც, რომ ამერიკა ივანიშვილის რეჟიმის წინააღმდეგ “ზომებს მიიღებს”.
მსგავსი სტატიები:
კორონავირუსის ვაქცინით გასულ დღე-ღამეში 1 560 პირი აიცრა, სულ – 34 897
ივანიშვილი, უახლოეს დღეებში ჩათვლის, რომ ღარიბაშვილი მისთვის პრობლემაა და შეელევა – არმაზ ახვლედიანი
სოფელ ოზურგეთში თალაკვაძე და ღლონტი ლიდერობენ-მაჟორში კვერღელიძე
პარლამენტში ბრიფინგების ოთახს მარო მაყაშვილის სახელი მიენიჭ
უკრაინულმა მხარემ ვერ წარმოადგინა მტკიცებულებები გავრცელებულ ინფორმაციასთან დაკავშირებით – ანდრიი კასიანოვი საგარეოში დაიბარეს
საიდან მოდის თრომბი, რომელიც ყველა დაავადების მექანიზმშია?
ენას, რომელმაც გამოძერწა სიტყვა ,,გარდაცვალება”, გარდაცვალება არ უწერია, თუ ჩვენვე არ მოვკალით – გიორგი კეკელიძე
ევროკავშირის კარი ღიაა თქვენთვის, მაგრამ მთავრობა ამ კარს თავად კეტავს – სტანო