„ქართული ოცნებიდან“ შემოდგომაზე დაგეგმილ ადგილობრივ არჩევნებში, მერობის კანდიდატებს, გურიის მხარეში, ქვეყნის ექსპრემიერ და მმართველი პარტიის საპატიო თავმჯდომარის, ბიძინა ივანიშვილის ძმა, ადიკო ივანიშვილი შეარჩევს.
ეს ინფორმაცია :გურიის მოამბეს“ საკუთარმა წყარომ – „ქართული ოცნებიდან“ – მიაწოდა.
მისი თქმით, სწორედ ამით აიხსნება, ის, რომ დღემდე მმართველი პარტია მერობის კანდიდატებზე ვერ ჩამოყალიბდა:
„სამთავე მუნიციპალიტეტებში კანდიდატები შერჩეული იყო, თუმცა ბოლო მომენტში მათი გასაჯაროვება იმ მიზეზით არ მოხდა, რომ ადიკო ივანიშვილმა სამთავე დაბლოკა“ გვითხრა წყარომ.
მისივე ინფორმაციით, მაგალითად ოზურგეთში, მმართველმა პარტიამ შესაძლოა მერობის კანდიდატი შეცვალოს, რადგან ადიკო ივანიშვილს და მის ოჯახს ამ თანამდებობაზე სხვა კანდიდატი სურს, ვიდრე პარტიას.
საუბარია, გურიის სამაშველო სამსახურის უფროსზე, მერაბ ჭანუყვაძეზე.
ადიკო ივანიშვილს, რომელიც ოზურგეთის მუნიციპალიტეტის დაბა ურეკში ცხოვრობს, წლების განმავლობაში, გურიაში სხვადასხვა ფინანსური ინტერესები გააჩნდა, კონკრეტულად, მისი და მასთან აფილირებული კომპანიები აქტიურობდნენ გურიის მდინარეებში-ქვიშა ხრეშის მოპოვებასა და რეალიზაციაში, ასევე შეინიშნებოდა მისი აქტივობები მხარიდან ჰუმუსისა და ნიადაგის გატანაში, ასევე იყო აქტივობები ინფრასტრუქტურული პროექტების განსახორციელებლად გამოცხადებულ ტენდერებში.
ბოლო წლებში მისი აქტივობები შენელდა, რადგან ყველა მიმართულებაზე ის ძმებმა თალაკვაძეებმა ჩაანაცვლეს.
ადიკო ივანიშვილი, მისთვის მისაღები კანდიდატის გაყვანას იმისთვისაც ცდილობს, რომ ბოლო არჩევნებში, ავთანდილ თალაკვაძის კანდიდატურის მხარდაჭერით დაშვებული შეცდომა აღარ გაიმეოროს.
მსგავსი სტატიები:
“დაშინების და გაჩუმების მცდელობაა,მე არ გავჩუმდები”-გვარამია
ზეთის ექსპორტი შესაძლოა, უკრაინამაც გაამკაცროს -ზეთის ფასები არნახულად გაიზრდება
Johnson & Johnson-ი აცხადებს, რომ მათი ვაქცინის მიღების შემდეგ გამომუშავებული იმუნიტეტი, სულ მცირე, 8 თვეს ძლებს
”მიხეილ სააკაშვილი არის პოლიტიკური პატიმარი და რეჟიმის ინსტიქტების მსხვერპლი”
კულტურის სამინისტროს დაფინანსებით კომპიუტერული თამაში იქმნება
ზარქუა: კირკიტ, ძმაო, თუ ვინმეს ურტყამს გაზრდილი ფასები საწვავზე, ურტყამს ხელისუფლებას
„80 ურდო, 3 ტანკი, 1 ს-300 ჰთს და უამრავი ჯავშანტექნიკა ინგრე გემრიელად დაადუღეს, იხარე იოსია, მოქრის შენსკენ ახალი პარტია საანშლაგოდ!“
ხაშურში ერთ-ერთ ოჯახში სავარაუდოდ, ნიკო ფიროსმანის ფოტო იპოვეს
