კულტურის სამინისტრო კომპიუტერული თამაში დიდგორის შექმნას დააფინანსებს. 8 თებერვალს, დავით აღმაშენებლის ხსენების დღესთან დაკავშირებით თამაშის თრეილერის პრეზენტაცია შედგა.
სამინისტროს განცხადებით, კომპიუტერული თამაშის თრეილერი კულტურის სამინისტროს მიერ გამოცხადებულ კონკურსში “ქართული კულტურის, ისტორიისა და მითოლოგიის პოპულარიზაციის ხელშემწყობი კომპიუტერული თამაშის შექმნა” გამარჯვებული პროექტის “ძლევაი საკვირველი” ფარგლებში შეიქმნა. თრეილერი გამარჯვებულმა კომპანიამ “სილესტიალ დიმენშენი” შექმნა.
კულტურის სამინისტრომ მოცემული კონკურსი დიდგორის ბრძოლიდან 900 წლის საიუბილეო თარიღთან დაკავშირებით გამოაცხადა.
“სამინისტრომ გაითვალისწინა 21-ე საუკუნის ახალგაზრდების მზარდი ინტერესი ციფრული მედიის მიმართ და სწორედ ამის საფუძველზე გადაწყდა ისეთი პროექტის შექმნა, რომელიც თანამედროვე ტექნოლოგიების გამოყენების საშუალებით გააცოცხლებს ამ უმნიშვნელოვანეს ისტორიულ თარიღს და მოახდენს მის პოპულარიზაციას ახალგაზრდა თაობებში, მათი საჭიროებებისა და ინტერესების გათვალისწინებით. თავად პროექტის პირველი ეტაპის რელიზი მაისის დასაწყისში იგეგმება. დიდგორის ბრძოლიდან 900 წლის აღსანიშნავი სტრატეგიული თამაშის მეშვეობით მოხდა ბრძოლის მაქსიმალურად რეალისტური სურათის აღდგენა. თამაშის მექანიკა აგებულია ტაქტიკური სტრატეგიის პრინციპზე (მოთამაშის მიერ ბრძოლის იზომეტრიულ ხედვაზე). მეომრების აღჭურვილობა და ანიმაციურ ვიდეორგოლებში გადმოცემული ეპოქალური მოვლენები მაქსიმალურად ავთენტურია, ხოლო ილეთები დაეფუძნა ქართული საბრძოლო ხელოვნების ელემენტებს”, – ნათქვამია სამინისტროს განცხადებაში.
გასული წლის აგვისტოში კულტურის სამინისტრომ დიდგორის ბრძოლაში გამარჯვებიდან 900 წლისთავთან დაკავშირებით დავით აღმაშენებლის მოღვაწეობის შესახებ მხატვრული სრულმეტრაჟიანი ფილმის გადაღებისთვის კონკურსი გამოაცხადა.
ჯამში, გამარჯვებული კომპანია სცენარსა და ფილმის პროექტზე მუშაობისათვის მიიღებს 20 000 აშშ დოლარის ეკვივალენტ თანხას ლარში და სამუშაოდ ექნება 7,5 თვე.
მსგავსი სტატიები:
“ჩემი ვერსიით, ბიძინამ გრიგოლ ვაშაძეს მიბაძა” – თორნიკე შარაშენიძე
“ივანიშვილი, ბლუ, ყეყეჩი, გაუნათლებელია, მაგრამ აქვს ფულის კეთების განსაკუთრებული ალღო”
ბუხრები აუცილებლად ცხემლის შეშით უნდა ანთებულიყო-საკალანდო რიტუალები
“ამაზრზენი მაფიოზები ხართ, თქვენი ადგილი სანაგვეზეა”- გამზარდია ხელისუფლებას
“ქვეყანას ჰყავს ძალიან არასწორი ოპოზიცია და ძალიან სწორი ხელისუფლება, როგორსაც იმსახურებს”
ასე გამოიყურებოდა ევროპის 7 ციხესიმაგრე დანგრევამდე
გადავარჩინოთ ბახმარო-აქციები გურიაშიც ჩატარდება
„ჭკვიან ადამიანთან დაისვენე! დაისვენე მასთან ერთად გევედრები!“