დღეს საღამოს ვაგზლის მიმდებარე ტერიტორიის საცხოვრებელი სახლის ბოლო სართული ჩამოინგრა, რასაც მსხვერპლი მოჰყვა. არსებული ინფორმაციით, გარდაცვლილია ერთი ადამიანი და დაშავდა კიდევ ერთი.
თბილისის მერის, კახა კალაძის ცნობით, კორპუსი ავარიული იყო, რომელიც რეაბილიტაციას არ ექვემდებარებოდა. მისი თქმით, ადგილობრივ მოსახლეობას შესთავაზეს სახლის დაცლა და ჩანაცვლების პროგრამით სარგებლობა, თუმცა 100%-იანი თანხმობა არ შედგა.
“მეხუთე კატეგორიის ავარიულობა გვქონდა მინიჭებული, რომელიც არ ექვემდებარებოდა რეაბილიტაციას. ეს იცოდა ადგილობრივმა მოსახლეობამ. არაერთი შეხვედრა იქნა გამართული დიდუბის რაიონის გამგეობაში, იყო გაკეთებული შეთავაზება, რომ მონაწილეობა მიეღოთ ჩანაცვლების პროგრამაში, რითაც ჩვენ ვუზრუნველყოფდით აღნიშნული კორპუსის დემონტაჟს და ახალი კორპუსის სამშენებლო კორპუსის სამუშაოებს, თუმცა, სამწუხაროდ, თქვენ იცით, რომ ამ პროგრამის განხორციელას სჭირდება მოსახლეობის 100%-იანი თანხმობა, რომელიც სამწუხაროდ ჯერ ვერ იქნა მიღწეული” – ამბობს კალაძე.
კახა კალაძეს არ აუხსნია, რატომ არ იყო შემოსაზღვრული მიმდებარე ტერიტორია და რატომ ეძლეოდათ მოვაჭრეებს ადგილზე ვაჭრობის უფლება. მოქალაქეები ავარიული შენობის მდგომარეობის შესახებ, ფოტო და ვიდეომასალას ერთი წლის წინ აქვეყნებდნენ. მასალებში კორპუსის ავარიულობა შეუიარაღებელი თვალისთვისაც აშკარაა.
მსგავსი სტატიები:
ქობულეთში ბანკის ინკასატორი დააყაჩაღეს
დღეიდან სკოლაში ონლაინ სწავლების მსურველთა რეგისტრაცია იწყება
გახარიას გუნდის წევრების მიმართ ზეწოლაა – ხოჯევანიშვილი
მშიერი მოსახლეობა და შელამაზებული პარკები-ოზურგეთში ერთ ერთი პარკის რეაბილიტაცია 3 მლ. ლარამდე დაჯდება
მელექედურში პანიკაა, თუმცა ადგილობრივების თხოვნას მთავრობა ყურადღებას არ აქცევს
“გეგონებათ, რომ ახალი ნივთების ყიდვით წინ მიდიხართ… ამასობაში კი, მალე უსარგებლო ბებრები იქნებით…” – ურუგვაის ლეგენდარული პრეზიდენტის რჩევები
ხვალ 23 აპრილს, 14:00 საათზე, ოზურგეთის „მერცხალის“ სტადიონი
ხუხაშვილი თვითმმართველობის არჩევნებზე: თეორიული შანსები არსებობს, რომ ოპოზიციამ “ოცნებას” ძალაუფლების ნაწილი გამოგლიჯოს
