უკვე მერამდენე დღეა, ოზურგეთის მუნიციპალიტეტის სოფელ მელექედურის მოსახლეობა პანიკაშია.
როგორც ადგილობრივები “გურიის მოამბესთან” საუბარში აცხადებენ, რამდენიმე დღეა სოფელში უცნაური ნადირი დათარეშობს, რომელიც მსხვილფეხა რქოსან პირუტყვს ყოველდღიურად იტაცებს, თუმცა, რამდენიმე გზის მიმართვისა, მშველელი არსაიდან არ ჩანს.
როგორც მელექედურლები აცხადებენ, თავდაპირველად პოლიციას მამართეს, თუმცა პოლიციამ განაცხადა, რომ ეს მათ არ ეხებათ. ამის შემდეგ მთავრობას მიმართეს, მთავრობამაც განაცხადა, რომ ეს არც მათ ეხებათ და რომ მონადირეებს უნდა მიმართონ.
მოსახლეობამ მონადირეთა გაერთიანებასაც მიმართა, იქ კი მათ განუცხადეს, რომ მთავრობა ნადირის ლიკვიდაციისთვის ლიცენზიას არ იძლევა.
ადგილობრივებმა ნადირის ვიდეოზე დაფიქსირებაც შეძლეს, რომელსაც ჩვენ ქვემოთ გთავაზობთ. როგორც ადგილობრივები აცხადებენ, ამ მოკლე ვიდეოში უზარმაზარი ცხოველი არც დათვია, არც მგელია და მათ მსგავსი რამ ჯერ არ უნახავთ.
მელექედურლები შველას ჟურნალისტებისგან ითხოვენ და მოუწოდებენ მათ, დაუჭირონ მხარი, რომ მოახდინონ შესაბამისი უწყებების ინფორმირება – იქნებ ვიღაცამ მაინც გაითვალისწინოს ადგილობრივი სოფლის გასაჭირი და მიიღოს შესაბამისი ზომები.
მსგავსი სტატიები:
ჩოხატაურის მუნიციპალიტეტში სახლი დაიწვა
სტიქია ჩოჩხათში (ვიდეო)
ხელის თხოვნა ბახმაროში- კურორტზე ჩარჩენილი წყვილის ისტორია თოვლიანი მთებიდან
ოზურგეთის საბავშვო ბაღებში, ხელფასები უკვე ჩაირიცხა- გურიის გუბერნატორის ადმინისტრაცია
ძლიერი დაკვამლიანება “ვასაძის პურის” საცხობში-ადგილზე სახანძროები გამოიძახეს
დაბა ნასაკირალის საჯარო სკოლის კურსდამთავრებულმა გამოცდებში უმაღლესი შეფასებები მიიღო
ოზურგეთში მომხდარ უბედურ შემთხვევას სიძე სიმამრი ემსხვერპლა
ვიდეო: რესურს ცენტრიდან ზარის შემდეგ მოსწავლეებმა და პედაგოგების ნაწილმა უკრაინის მხარდამჭერი აქცია დატოვა