”რუსეთისგან მოყენებული ჭრილობები არ ხორცდება..ჩვენი იარები სულ სისხლმდინარე იქნება”

“…დიდი იმედი მაქვს, რომ ამ ომის მერე სამყარო უკეთესი გახდება! ეს იყო სიბინძურე და სიბნელე, რომელშიც მთელი­ სამყარო ჩავეფალით” – ამბობს მომღერალი ლიზა ბაგრატიონი.

– არ ვიცი, შევძლებ თუ არა, ჩემი ტკივილი, აღშფოთება გაგიზიაროთ… ომი არის მიწიერი ჯოჯოხეთი. რაც დღეს უკრაინის მიწაზე ხდება, ენით აღუწერელი საშინელებაა. ომი, სისხლისღვრა, ხალხის სახლებიდან გაქცევა, ბავშვების დაღუპვა, ცრემლი, შიში, ამხელა მსხვერპლი… ეს არის ის, რაც აღარასოდეს უნდა განმეორდეს! ომი სისასტიკეა, რომელსაც გამართლება არ აქვს! აქ არ არსებობს გამარჯვებული და დამარცხებული! ომში ადამიანები იღუპებიან და ეს არის ყველაზე დიდი ტრაგედია. დიდი იმედი მაქვს, რომ ეს კოშმარი მალე დამთავრდება სიკეთის, სინათლის გამარჯვებით. ყველაზე მნიშვნელოვანი კი ის არის, რომ მსხვერპლი აღარ გაიზარდოს! ამ ომის მერე სამყარო უკეთესი გახდება. ეს იყო სიბინძურე და სიბნელე, რომელშიც მთელი სამყარო ჩავეფალით. ასეთი კატაკლიზმები, ასეთი უბედურებაა საჭირო, რომ გავიგოთ, რა არის მთავარი, მთავარი კი არის სიკეთე და ადამიანის სიცოცხლე, რომელსაც ყველა უნდა გავუფრთხილდეთ!

რუსეთისგან მოყენებული ჭრილობები არ ხორცდება, სანამ ტერიტორიები დაკარგული გვაქვს, ჩვენი იარები სულ სისხლმდინარე იქნება, სანამ აფხაზეთი და სამაჩაბლო არ დაგვიბრუნდება.

მსხვერპლს აზრი უნდა ჰქონდეს. მხოლოდ მაშინ შეიძლება მისი ასე თუ ისე გამართლება, როცა საწადელს მიაღწევ, მაგრამ თუ ხალხი დაკარგე და ტერიტორიებიც ზედ მიაყოლე, ეს ორმაგი ტრაგედიაა. მე მაინც მგონია, რომ ის უბედურება, რაც ახლა უკრაინაში ხდება, მალე ამ გმირი ხალხის გამარჯვებით დასრულდება, მერე კი ჩვენი დროც მოვა და ჩვენს მიწაზე დავბრუნდებით.”- აცხადებს ბაგრატიონი.

წყარო – კვირის პალიტრა

გააზიარეთ და მოიწონეთ სტატია:

მსგავსი სტატიები:

თუ პატრიარქი წელს არ ულოცავს არჩევნებში გამარჯვებულს, ძალიანაც კარგი – დეკანოზი თამაზი “ან გახარია ან გოგაშვილი ან კობახიძე”-ფარული ჩანაწერების შესაძლო გამვრცელებლები? როგორ ხვდებიან აღდგომას სხვადასხვა ქვეყნებში პარლამენტის თავმჯდომარის ადგილის, ტრიბუნის ბლოკირება, ბუნებრივად აღიქმება ძალადობრივ აქტად – წილოსანი 23 სექტემბრის კოვიდსტატისტიკა ბოლო 24 საათში, გურიაში კორონავირუსის 86 ახალი შემთხვევა დაფიქსირდა-25 ნოემბრის კოვიდსტატისტიკა სემეკი „თელასსა“ და „თელმიკოში“ მონიტორინგს იწყებს “ანაკლიის პროექტის ჩაძირვაც საკმარისია, პასუხი აგოს “ქართულმა ოცნებამ” ქართველი ხალხის წინაშე”