The Observatory ნინო დათაშვილის თვითნებურ დაკავებასა და სასამართლო შევიწროვებაზე შეშფოთებას გამოთქვამს

ადამიანის უფლებათა დამცველი ორგანიზაცია The Observatory სინდისის პატიმრის, ნინო დათაშვილის თვითნებური დაკავებისა და სასამართლო შევიწროების შესახებ წერს და შეშფოთებას გამოთქვამს პატიმრობაში ყოფნის დროს მისთვის ჯანდაცვაზე ხელმისაწვდომობის დაბრკოლებების გამო.

ორგანიზაციის განცხადებით, ნინო დათაშვილი განიცდის ძლიერ ფიზიკურ ტკივილს და საჭიროებს სასწრაფო ოპერაციას, თუმცა მისი არაერთი სამედიცინო დახმარების მოთხოვნა უგულებელყოფილია, გენერალური ინსპექციისა და გენერალური პროკურატურისადმი საჩივრების მიუხედავად.

The Observatory “ქარულ ოცნებას” მოუწოდებს დაუყოვნებლივ და უპირობოდ გაათავისუფლოს ნინო დათაშვილი და ქვეყანაში ყველა სხვა უკანონოდ დაკავებული ადამიანი.

The Observatory მკაცრად გმობს თვითნებურ დაკავებას, ჯანდაცვაზე ხელმისაწვდომობის არარსებობას, ფსიქიატრიული იარლიყის გამოყენებას მისი სტიგმატიზაციის მიზნით, რაც, როგორც ჩანს, მხოლოდ მისი დასჯისკენ არის მიმართული მისი ლეგიტიმური ადამიანის უფლებების დაცვის საქმიანობისა და შეკრების თავისუფლების უფლების დაცვისთვის.

ობსერვატორია მოუწოდებს საქართველოს ხელისუფლებას, დაუყოვნებლივ და უპირობოდ გაათავისუფლოს ქალბატონი ნინო დათაშვილი და ქვეყანაში ყველა სხვა უკანონოდ დაკავებული ადამიანის უფლებათა დამცველი და დემონსტრანტი და შეწყვიტოს მათ წინააღმდეგ სასამართლო შევიწროების ყველა ფორმა,” – ვკითხულობთ განცხადებაში.

ორგანიზაცია ადამიანის უფლებათა დამცველებს მიმართავს და მოუწოდებს მისწერონ “ქართულ ოცნებას” და სთხოვონ:

ნებისმიერ შემთხვევაში უზრუნველყონ ნინო დათაშვილის და საქართველოში ყველა სხვა უკანონოდ დაკავებული ადამიანის უფლებათა დამცველისა და დემონსტრანტის ფიზიკური მთლიანობა და ფსიქოლოგიური კეთილდღეობა;
დაუყოვნებლივ და უპირობოდ გაათავისუფლონ ნინო დათაშვილი და ყველა სხვა უკანონოდ დაკავებული ადამიანის უფლებათა დამცველი და დემონსტრანტი, რომელთა დაკავება, როგორც ჩანს, მხოლოდ მათ დასჯას ისახავს მიზნად მათი ლეგიტიმური ადამიანის უფლებათა დამცველი საქმიანობისთვის;
გააუქმონ ბრალდებები და შეწყვიტონ შევიწროების ყველა აქტი, მათ შორის სასამართლო დონეზე, ნინო დათაშვილის და ქვეყანაში ყველა სხვა ადამიანის უფლებათა დამცველის წინააღმდეგ და უზრუნველყონ, რომ მათ შეეძლოთ თავიანთი ლეგიტიმური საქმიანობის განხორციელება ყოველგვარი დაბრკოლებისა და რეპრესიების შიშის გარეშე;
ყველა გარემოებაში ქვეყანაში გამოხატვის თავისუფლებისა და შეკრებისა და გაერთიანების თავისუფლების უფლებების გარანტირება, როგორც ეს გათვალისწინებულია საერთაშორისო ადამიანის უფლებათა სამართლით, კერძოდ, სამოქალაქო და პოლიტიკური უფლებების შესახებ საერთაშორისო პაქტის (ICCPR) მე-19 და 22-ე მუხლებით, ასევე ადამიანის უფლებათა ევროპული კონვენციის მე-10 და მე-11 მუხლებით, რომლის მონაწილე სახელმწიფო საქართველოცაა.

ამასთან, ორგანიზაცია განცხადებაში საქართველოში მიმდინარე საპროტესტო აქციებსაც იხსენებს და წერს, რომ მიუხედავად იმისა, რომ აქციები ძირითადად მშვიდობიანი იყო პოლიციამ გამოიყენა წყლის ჭავლი და ცრემლსადენი გაზი.

მიუხედავად იმისა, რომ საპროტესტო აქციები ძირითადად მშვიდობიანი იყო, პოლიციამ გამოიყენა წყლის ჭავლი და ცრემლსადენი გაზი ბრბოს დასაშლელად, ასევე გადაჭარბებული ძალა და არასათანადო მოპყრობა ტრანსპორტირების დროს, რამაც გამოიწვია მომიტინგეების მრავალი დაზიანება და 480-ზე მეტი თვითნებური დაპატიმრება, რომელთაგან ზოგიერთი არაადამიანური მოპყრობის და, შესაძლოა, წამების ტოლფასი იყო,” – აღნიშნულია განცხადებაში.

The Observatory ასევე აღნიშნავს, რომ საქართველოში ადამიანის უფლებების გაუარესებული გარემო განუყოფლად არის დაკავშირებული რეპრესიული “უცხოელი აგენტების” შესახებ კანონმდებლობის მიღებასთან, მათ შორის “უცხოური გავლენის გამჭვირვალობის შესახებ” კანონთან, რომელიც ძალაში შევიდა 2024 წლის მაისში, “უცხოელი აგენტების რეგისტრაციის შესახებ კანონთან” და “გრანტების შესახებ” კანონში შეტანილ ცვლილებებთან.

ეს კანონები მკაცრად და უკანონოდ ზღუდავს გაერთიანების, გამოხატვის თავისუფლებისა და პირადი ცხოვრების ხელშეუხებლობის უფლებას, რაც მკვეთრად და პოტენციურად დამანგრეველ გავლენას ახდენს საქართველოს სამოქალაქო საზოგადოებაზე,” – ვკითხულობთ განცხადებაში.

გააზიარეთ და მოიწონეთ სტატია: