ოზურგეთის ახალმა მერმა, პაატა კუნჭულიამ, მერიის თანამშრომლებს, სამსახურეობრივი ავტომობილების პირადი საქმეებისთვის გამოყენება, აუკრძალა.
ამის შესახებ, “გურიის მოამბეს”, მერიის თანამშრომლებმა, არაოფიციალურად აცნობეს.
მათივე თქმით, ასევე აიკრძალა სამსახურებრივი მანქანების სამსახურის შემდეგ სახლში წაყვანა.
მერის გადაწყვეტილებით, მერიის ბალანსზე არსებული ტრანსპორტი – სპორტის სასახლის მიმდებარე მოედანზე დაპარკინგდება და მხოლოდ დღის განმავლობაში, სამსახურებრივი საჭიროებისათvის მოხდება მათი გამოყენება.
მერიის თანამშრომელთა გაკვირვება იმანაც გამოიწვია,რომ ახალი მერი , დილის 9 საათზე გამოცხადდა (გახსოვთ ალბათ თალაკვაძის შუადღიდან დაწყებული სამუშაო დღეებიც და ტრადიციად ქცეული “პარასკევობა” – თბილისის მონახულების ტრადიცია), საამსახურში-თითოეულ თანამშრომელს პირადად ეწვია სამუშაო კაბინეტში, ინდივიდუალურად გაეცნო ყველას, დაინტერესდა მათი უშუალო საქმიანობით და ხედვით.
ეს, მერიის თანამსრომლებისათვის, გასაკვირი განსაკუთრებით იმ ფონზე აღმოჩნდა, როცა წინა მერმა, ისე დაასრულა ოთხწლიანი ციკლი და წავიდა თანამდებობიდან, საკუთარი მოადგილეების გარდა თითქმის არავის იცნობდა.
მსგავსი სტატიები:
გოგი წულაიას ბრალი დაუმძიმდა
საქართველოში 3.1 მაგნიტუდის მიწისძვრა მოხდა
კოვიდთან ბრძოლისთვის ნასესხები ფულით განახლებული ავტოპარკი – რაში ხარჯავს ტიკარაძის უწყება თანხებს?
ვიდეო: გურია-ბურნათის გადასასვლელი ოზურგეთი-ჩოხატაური-სამტრედიის დამაკავშირებელი ცენტრალური გზა პარალიზებულია
უკრაინისადმი კიდევ ერთი მხარდამჭერი აქცია ოზურგეთში
რუსებმა, ზაპოროჟიეში, 61 ტონა ხორბალი და სატვირთო ავტომობილი მოიპარეს
ელჩი ყაველაშვილის წერილზე: სავსე იყო ტყუილით, შეთქმულების თეორიით, ბოლომდე ვერც წავიკითხე
თუ გააგრძელებენ ამ პოლიტიკას, დაკარგავთ NATO-ში, EU-ში შესვლის შანსს – პავილიონისი ოცნებაზე
