4 ოქტომბრის საქმეზე დაკავებული GAMA-ს მებრძოლი, გიორგი კირვალიძე ციხიდან წერილს აგზავნის, რომელსაც ადვოკატი ბორის ჩელე ყურუა აქვეყნებს.
როგორც კირვალიძე წერს, სწორედ ის სპორტი, რომელსაც ის ემსახურება, ასწავლიდა ყოველთვის დაჩაგრული და სუსტი ადამიანის დახმარებას.
“ვერ დავხუჭე თვალი ძალადობაზე და სამწუხაროდ ჩემი სიმართლისა და პრინციპების გამო აღმოვჩნდი აქ“, – წერს კირვალიძე.
“მოგესალმებით ციხიდან, ყველამ ვინც მიცნობს, იცის, რომ მთელი ჩემი შეგნებული ცხოვრება ვემსახურები სპორტს და ჯანსაღი ცხოვრების წესს. ბევრმა ახალგაზრდამ გაიარა ჩემს ხელში და სპორტის სიყვარულის გარდა, მიხარია, რომ შევძელი და ჩავუნერგე სამშობლოს და მოყვასის სიყვარული, რადგან ამის გარეშე, არც სპორტულ წარმატებას, არც საზოგადოებაში ადგილს აზრი არ აქვს და ვთვლი, რომ ჩემი წილი აგური ქვეყნის მშენებლობაში მეც დავდე და იგივეს ვაგრძელებ.
სწორედ ის სპორტი, რომელსაც მე ვემსახურები სრულიად უანგაროდ, მასწავლიდა ყოველთვის დაჩაგრული და სუსტი ადამიანის დახმარებას. ვერ დავხუჭე თვალი ძალადობაზე და სამწუხაროდ ჩემი სიმართლისა და პრინციპების გამო აღმოვჩნდი აქ. არ მინდა იფიქროთ, რომ რამეს ვნანობ, პირიქით, აქ ყოფნის ყოველი დღე მარწმუნებს, რომ ვერანაირად ვიდგებოდი მეორე მხარეს და გავჩუმდებოდი.
არც აქამდე დამიხრია თავი და დამიხევია უკან იქ, სადაც საქართველოს და ქართველების ბედი წყდებოდა და მგონია, რომ ახლა ზუსტად ეს მომენტია და მოვუწოდებ სპორტულ საზოგადოებას გვერდით გადადონ პირადი კეთილდღეობა და დადგნენ სამშობლოსა და სიმართლის მხარეს.
პირველ რიგში მივმართავ ჩემს ნაცნობ-მეგობრებს და რასაკვირველია იმ საამაყო ნაწილს ვინც სპორტით ხალხის სიყვარული დაიმსახურა, საქართველო გააცნო მსოფლიოს და პატიოსანი და დაუღალავი შრომით, სამართლიანად, ბევრისთვის საოცნებო ცხოვრება შეიქმნა.
არ ვიცი როდის შევძლებ და დავუბრუნდები ჩემს საყვარელ ახალციხეს, ბავშვებს და დარბაზს, რომლის მშენებლობაშიც გარდა სოლიდური ფინანსებისა, დიდი სიყვარული და თავდადება ჩავდე.
მაგრამ დანამდვილებით ვიცი, რომ ყველა სირთულესა და გამოწვევას ღირსეულად გავუმკლავდები, რადგან სიკეთე მუდამ ძლევს ბოროტებას, რადგან რაც არ გვკლავს მხოლოდ გვაძლიერებს და ვერც საკანში ჩემი ხანგრძლივი გამოკეტვით წამართმევენ თავისუფლების რწმენას.
აქვე მინდა დიდი მადლობა გადავუხადო ყველა იმ პიროვნებას ვინც ფიზიკურად და მორალურად ჩემს გვერდით დგას. თქვენი თანადგომა კიდევ უფრო მეტად მაძლიერებს და სიმტკიცეს მმატებს.და ბოლოს, მინდა ვთქვა, რომ საქართველოს არსებობის მანძილზე უამრავი განსაცდელი და ღალატი უნახავს, მაგრამ ყოველთვის გამარჯვებული დარჩა და გააგრძელა ისტორიის წერა.
ღვთისმშობლის მადლით მჯერა რომ ამ მძიმე პერიოდსაც გაუძლებს და ყველა ერთად შევძლებთ ნამდვილად მშვიდობიან, სამართლიან და გაბრწყინებულ საქართველოში ცხოვრებას. ღმერთმა დალოცოს საქართველო”, – ვკითხულობთ წერილში.
მსგავსი სტატიები:
რეგიონული პოლიტიკისა და კოორდინაციის სამსახურს კონსტანტინე ანანიაშვილი უხელმძღვანელებს
სამი ოქრო, სამი ვერცხლი, ორი ბრინჯაო და გუნდური მეორე ადგილი ოზურგეთელი მძლეოსნებისგან
“საკანი 320..უკანონო პატიმარი” – ბესო ქათამაძე
“მე არ მითქვამს ვინ არის ეს და კ-ზე ჩემი გვარიც იწყება…თუმცა მე არ ვარ დაკავშირებული „ნაცმოძრაობასთან“-კობახიძე ქოლცენტრების საქმის “ეჭვმიტანილზე”
“ივანიშვილის შნირები უსინდისო იდიოტები და ქოსატყუილები არიან…85 მილიონი დოლარიც მქონია თურმე – აუცილებლად ვუჩივლებ…წამოვიღებ ამ თანხას და სანდრას საქველმოქმედო ფონდს ჩავურიცხავ”-მიხეილ სააკაშვილი
თუ მძიმე ფსიქოლოგიური მდგომარეობა აქვს, მიდის ამ კუთხით კვლევა? – დავითულიანი სააკაშვილზე
როდესაც ღარიბაშვილი ამბობს საბჭოთა კავშირზე, მესმის, რასაც მისტირის – უნდა საბჭოთა კავშირი ბობოლებით, მექრთამეობით – წიკლაური
მართლმადიდებელი ეკლესია ბარბარობას ზეიმობს
