2026 წელს ბიუჯეტი გაიზრდება, ოღონდ ეს ვალების და გადასახადების ხარჯზე. მომავალ წელს 5 მლრდ 100 მლნ უნდა ავიღოთ ვალად, ძველი სესხი გადავფაროთ და ახალი დავიმატოთ. რა თქმა უნდა, ეს სახელმწიფო ვალიც მოქალაქეების გადასახდელია. 3 მლრდ 300 მლნ მხოლოდ საგარეო ვალია – “ქართული ოცნების” გეგმაა ფული დასავლური ფინანსური ინსტიტუტებისგან და მთავრობებისგან ისესხოს, ოღონდ ამის მიუხედავად დასავლეთზე თავდასხმა არ წყდება.
ბიუჯეტი იზრდება გადასახადების ხარჯზეც – მილიარდ 300 მილიონით. საერთაშორისო გამჭვირვალობამ 2026 წლის მთავარი ფინანსური დოკუმენტი შეისწავლა. აქ “ქართული ოცნების” პრიორიტეტები ყველაზე უკეთ ჩანს – ხელფასი არავის მოაკლდება, ივანიშვილის გუნდის ჩინოვნიკები მინიმუმ 10 პროცენტით მეტ ანაზღაურებას მიიღებენ, ვიდრე აქამდე. ხოლო პენსია მხოლოდ 20 ლარით გაიზრდება. ირაკლი კობახიძე ყოველთვე თითოეულ პენსიონერზე 43-ჯერ მეტ თანხას აიღებს.
ბიუჯეტის ხარჯზე დასაქმებულების რაოდენობა იზრდება, შსს-ში და პროკურატურაში, მაგრამ საგარეო საქმეთა სამინისტროში ამცირებენ მათ, ვინც ევროკავშირში საქართველოს ინტეგრაციაზე მუშაობდა. დაფინანსებას მოაკლებენ ინფრასტრუქტურას და განათლებას – ძალოვანი სტრუქტურების გაძლიერების ხარჯზე. ნახევარ მილიარდამდე იზრდება სწორედ იმ უწყებების დაფინანსება, ვინც რეპრესიულ მანქანას ამუშავებს.
კობახიძეს და პაპუაშვილს მომავალი წლიდან 16 ათას ლარამდე ეზრდებათ ხელფასი, მინისტრებს 13 600 ლარამდე – დეპუტატები 12 800 ლარს აიღებენ. ჯამში მხოლოდ ხელფასები 385 მლნ-ით იზრდება, სამაგიეროდ, მოაკლებენ ანაკლიის პორტის, ავტომაგისტრალების მშენებლობას.
მსგავსი სტატიები:
პარლამენტის წინ ოპოზიციის საპროტესტო აქცია დაიწყო
“აუცილებლად მოუწევთ რიგგარეშე არჩევნები, ამ ხელისუფლებას დღეს ქვეყნის მართვის რესურსი არ გააჩნია “
შავებში ჩაცმული წვერიანი გურულების დატირების წესი
უკრაინელებმა კიდევ ერთი საერთო სასაფლაო სუმში აღმოაჩინეს
რუსეთის უზენაესმა სასამართლომ Novaya Gazeta-ს ვებგვერდის ლიცენზია გააუქმა
”არ ვთვლი, რომ სააკაშვილი უნდა გამოუშვან, არ ვთვლი, რომ ცოდოა, საცოდავი იყო, პირველად რომ დავინახე, იმ დღიდან ვაგინებ”
რუსეთში ავიგამანადგურებელი Су-34 საწვრთნელი ფრენის დროს ჩამოვარდა
ტრამპი: უკრაინელები ძალიან მამაცები იყვნენ
