11 დაშავებული,15 დამწვარი მანქანა და ძლიერად დაზიანებული საცხოვრებელი კორპუსი – ასეთია 21 იანვრის ღამეს რუსეთის ფედერაციის ადიღეს რესპუბლიკის ნოვაია ადიღეს აულში მრავალსართულიან სახლზე საჰაერო დარტყმის შედეგი…
რუსულმა ოფიციალურმა წყაროებმა ტრადიციულად დაადანაშაულეს უკრაინა იმაში, რომ მან უპილოტო კამიკაძე-დრონით შეუტია მშვიდობიან მოსახლეობას…
თუმცა თვითმხილველთა მიერ გადაღებულ ვიდეოკადრებში ჩანს, რომ საცხოვრებელ კორპუსს დიდი სიჩქარით ხვდება არა კამიკაძე-დრონი, არამედ – რაკეტა, რომლის ძრავა ჯერ კიდევ მუშაობს კორპუსზე შეჯახების მომენტში…
პრინციპში, ფრთოსანი ან ბალისტიკური რაკეტა უკრაინიდანაც შეიძლება ყოფილიყო გამოშვებული, რადგან ნოვაია ადიღედან უკრაინის აღმოსავლეთ ფრონტის ხაზამდე პირდაპირი ხაზით მხოლოდ 340 კმ თუა და, ამასთან, ეს დასახლება -ნოვაია ადიღეა სამხრეთ-დასავლეთიდან, ფაქტობრივად, ეკვრის ქალაქ კრასნოდარს, რომელშიც ბევრი ისეთი „მსუყე“ რუსული სამხედრო ობიექტია, რომლებიც უკრაინის გენშტაბის ოპერატიულ რუკებზე ნამდვილად იქნება შემოხაზული, პოტენციური სამიზნეების სახით, და მაინც, ეს უკრაინელების მიერ განხორციელებული საჰაერო დარტყმა არ ყოფილა…
თვითმხილველების მიერ გადაღებულ ვიდეოკადრებში ძალზე კარგად მოჩანს, რომ კრასნოდარის ღამისეულ ცას ცეცხლისფრქვევით აპობს ის რაკეტა, რომელმაც სტარტი მიწიდან, რამდენიმე კმ-ის სიშორიდან აიღო, რაზეც ასევე მეტყველებს რაკეტის მყარსაწვავიანი სარაკეტო ძრავის საქშენიდან გამოტყორცნილი კვამლის ტრაექტორია, რომელიც კარგად მიუთითებს სტარტის ადგილს.
დიდი ალბათობით, ეს იყო რუსეთის საჰაერო თავდაცვის დანაყოფის მიერ С-300-ის ან С-400-ის ტიპის საზენიტო-სარაკეტო კომპლექსიდან გაშვებული საზენიტო რაკეტა, რომელსაც უნდა ჩამოეგდო უკრაინული კამიკაძე-დრონი (დღესვე გავრცელდა კიდევ ერთი ვიდეო, სადაც სწორედ კრასნოდარის თავზე რუსული საზენიტო რაკეტები ერთმანეთის მიყოლებით, ნახევარწუთიანი ინტერვალით, ღამისეულ ცაში ორ საჰაერო სამიზნეს აფეთქებენ), მაგრამ, სავარაუდოდ, საზენიტო რაკეტის ტექნიკური გაუმართაობის გამო, მან საჰაერო სამიზნის ნაცვლად საცხოვრებელი კორპუსი ამოიღო სამიზნეში, ისე, რომ რაკეტის თვითლიკვიდატორმა ამოქმედება ვერ მოასწრო.
ეს პუტინის „მეგობრული ცეცხლის“ გაგრძელებაა, როდესაც რუსული ბომბდამშენები პლანირებად ბომბებს უკრაინის გარდა, რუსულ ქალაქებსაც პერიოდულად აყრიან, მაგრამ მაშინ, როდესაც ძნელი დასადგენია, ბელგოროდში კორპუსი მართლაც უკრაინულმა დრონმა ჩამოშალა თუ რუსულმა ბომბმა, ნოვაია ადიღეს საცხოვრებელი კორპუსზე შეტევაში სწორედ რუსული საზენიტო რაკეტის „ხელწერაზე“ დანამდვილებით მიუთითებენ თვითმხილველების გადაღებული ვიდეოკადრები.
კვირის პალიტრა
მსგავსი სტატიები:
მიხაილ მარხელი – ეს იყო ნერვების თამაში
(ვიდეო) – “შენ ბიჭო, @რაკი მიაყენე, შე ბო@ო შენ…” – ვასილ ჩიგოგიძე და ჟურნალისტები
ახლა მთელი ღამე ველოდოთ როგორ გააყალბებენ ოქმებს, დაჯღაბნიან და იცოდვილებენ ბალანსის დასასმელად-ჯანგირაშვილი
მიწისძვრის შემდეგ მოსახლეობა ქუჩაში გამოვიდა – ვითარება ეპიცენტრის ადგილას
“ვაქცინაციის წახალისების პროგრამები და თავად ვაქცინაცია არ შეწყდება”
რამდენიმე საათიც და სამშობლო გულში ჩაიკრავს ლანჩხუთელ გმირს – ჯამბულათ ხოფერიას გამთენიისას ჩამოასვენებენ
“ენერგო პრომ” შეცდომით გაზის ცენტრალური მილსადენი გაბურღა-გურიაში მეორე დღეა რამდენიმე სოფელი ბუნებრივი აირის გარეშეა
“ეს სია ძალიან მნიშვნელოვანი მონაპოვარია, რამეთუ ადასტურებს სისტემის რღვევას და აძლიერებს საზოგადოებრივ მორალურ წნეხს” – სალომე ზურაბიშვილი
