აშშ-მა უკრაინული დრონსაწინაამდეგო ტექნოლოგია საუდის არაბეთში, პრინც სულთანის ავიაბაზაზე განათავსა

ამერიკის პენტაგონის ხელმძღვანელმა, პიტ ჰეგსეტმა კონგრესში გამოსვლისას აღიარა, რომ ტრამპის მეორე ვადის განმავლობაში აშშ-ის სამხედრო პერსონალი არაერთხელ გაემგზავრა უკრაინაში, რათა უშუალოდ ფრონტის ხაზზე შეესწავლათ უკრაინული საბრძოლო ინოვაციები. ძირითადი აქცენტი კეთდება დრონებით ომზე, ანტი-დრონ სისტემებსა და სამხედრო დოქტრინის ადაპტაციაზე იმ ბრძოლის ველთან, სადაც იაფფასიან FPV დრონებს მილიონობით დოლარის ღირებულების ჯავშანტექნიკის განადგურება შეუძლიათ.

„ჩვენ შევდივართ ეპოქაში, სადაც დრონებით დომინირება აუცილებლობაა“, — განაცხადა ჰეგსეტმა კონგრესში.

აშშ-ის სენატორმა, კრის კუნსმა უკრაინას დრონებისა და ანტი-დრონ ტექნოლოგიების გლობალური ლიდერი უწოდა, განსაკუთრებით იმ ფონზე, როდესაც აშშ ახლა იმავე ირანული „შაჰედების“ საფრთხის წინაშე დგას, რომლებსაც კიევი წლებია ებრძვის.

ამ ყველაფერში ირონიის შეუმჩნევლობა შეუძლებელია- გასულ თვეს Fox News-მა აჩვენა უკრაინული გადამჭერი დრონების კადრები და ისინი წარმოადგინა, როგორც ირანთან დაკავშირებული უპილოტო საფრენი აპარატების წინააღმდეგ ამერიკული საჰაერო თავდაცვის წარმატების მაგალითი. მოგვიანებით კი გავრცელებულმა ინფორმაციამ დაადასტურა, რომ აშშ-მა უკრაინული დრონსაწინაამდეგო ტექნოლოგია საუდის არაბეთში, პრინც სულთანის ავიაბაზაზე განათავსა.

უკრაინა ომის იმგვარ ველად იქცა, სადაც გადარჩენის ინსტინქტმა ინოვაციები ბევრად უფრო სწრაფად წარმოშვა, ვიდრე ამას ნებისმიერი ბიუროკრატია შეძლებდა