ზელენსკი-“ჩვენ ტრამპთან უკრაინაში ამერიკული ჯარების ყოფნის საკითხს განვიხილავთ”

.

პუტინის რეზიდენციაზე თავდასხმები სიცრუეა. იქ არავის დაურტყამს. ეს განცხადება დაკავშირებულია უკრაინისა და აშშ-ის დელეგაციების წარმატებულ მოლაპარაკებებთან, რომლის კულმინაციაც ტრამპთან ჩვენი შეხვედრა გახდა.

უკრაინის დელეგაციამ ამერიკელებთან ერთად განიხილა პუტინის რეზიდენციაზე „თავდასხმის“ საკითხი. ჩვენს პარტნიორებს, თავიანთი ტექნიკური შესაძლებლობების წყალობით, ყოველთვის შეუძლიათ გადაამოწმონ, რომ ეს სიცრუე იყო.

მიუხედავად რუსების მხრიდან ყველა მედიათავდასხმისა, რომლებიც ჩვენსა და ამერიკელებს შორის მოლაპარაკებების ჩაშლისკენ არის მიმართული, ჩვენ ყოველდღიურად ვმუშაობთ. დღეს უკვე იყო რამდენიმე ზარი ჩვენი ჯგუფისგან — უმეროვისა და ამერიკელი სტივ ვიტკოფის მონაწილეობით. ჩვენ განვიხილავთ ჩვენს შემდეგ ნაბიჯებს.

უკრაინის არმიის მხარდაჭერა უსაფრთხოების გარანტიების ნომერ პირველი პუნქტია. საუბარია 800 ათას ადამიანზე, რომელთაც უზრუნველყოფა დასჭირდებათ. უკრაინა ამ საკითხში პარტნიორებზე იმედს ამყარებს.

უსაფრთხოების გარანტიები ეტაპობრივად ხორციელდება. ჩვენთვის ნომერ პირველი პრიორიტეტია, რომ ცეცხლის შეწყვეტასთან ერთად ამოქმედდეს სამონიტორინგო მისია. მას უხელმძღვანელებენ ჩვენი სანდო პარტნიორები. მათ ამის ტექნიკური შესაძლებლობა აქვთ — ფლობენ თანამგზავრებს და ინფრასტრუქტურას, მათ შორის დრონების სისტემებს.

ზელენსკი ჟურნალისტების კითხვაზე რუსეთის მხრიდან შესაძლო „ცრუ დროშის“ (false flag) ოპერაციების შესახებ: ეს საკითხი შედის უსაფრთხოების გარანტიების მეორე ნაწილში, სადაც გაწერილია, თუ როგორ ირეაგირებენ პარტნიორები შეთანხმებების დარღვევის შემთხვევაში.

ზელენსკი იმის შესახებ, მართებულია თუ არა ევროპელებმა აწარმოონ დიალოგი რუსეთთან: ჩვენ გვაქვს ჩვენი ძირითადი ხელშეკრულების ოცი პუნქტი, რომელიც გათვლილია ომის შეწყვეტაზე. იქ ვხედავთ 4 ხელმომწერ მხარეს: უკრაინა, აშშ, რუსეთის ფედერაცია და ევროპა. ამიტომ, ხელმოწერამდე, მხარეები განიხილავენ ამ ხელშეკრულების დეტალებს. რაც შეეხება უსაფრთხოების სხვა გარანტიებს — არსებობს ორმხრივი შეთანხმება უკრაინასა და აშშ-ს შორის ნატოს მე-5 მუხლის ანალოგზე, ასევე საუბარია ჩვენს ორმხრივ უსაფრთხოების ხელშეკრულებებზე პარტნიორებთან, რომლებიც ერთიანდებიან „მსურველთა კოალიციის“ ფორმატში.

რუსეთს არ სურს რეფერენდუმი და მუდმივად მოძებნის მიზეზებს, რათა ცეცხლის შეწყვეტა არ მოხდეს.

„თუ ის, რაც პუტინმა ბახმუტში, ვოვჩანსკსა და ჩასივ იარში ჩაიდინა — ან რასაც ახლა პოკროვსკში აკეთებს — არის ის, რასაც ის „წარმატებას“ უწოდებს, მაშინ ნება მიეცით, მსგავსი „წარმატებები“ საკუთარ სახლში, რუსეთში ჰქონდეთ.“

 „მზად ვარ პუტინთან შესახვედრად ნებისმიერ ფორმატში. მთავარია, რუსებს არ ეშინოდეთ”.

 „რუსეთს არ სურს რეფერენდუმი და მუდმივად მოძებნის მიზეზებს, რათა არ დაუშვას ცეცხლის შეწყვეტა”.

 „მოლაპარაკებების ჩაშლა არ ხდება. რუსების მხრიდან ყველა მედიასაშუალებით გაჟღერებული ბრალდებების მიუხედავად, ჩვენ ყოველდღიურად ვმუშაობთ აშშ-სთან. დღესაც უკვე რამდენიმე ზარი განხორციელდა ჩვენს ჯგუფთან”.

„ტრამპს სურს უკრაინაში საშუალო ხელფასის გასამმაგება, მათ შორის, ბაზარზე ამერიკული ბიზნესის შემოსვლის გზით