გურია-მიტოვებული სოფელი და სარჩოს გარეშე დარჩენილი გლეხობა – „ოზურგეთის თასი 2026“

მხიარული “ვლასტი” და გაკვირვებული და დამწუხრებული გურულები

ოზურგეთის მუნიციპალიტეტის მერიის მიერ, საკუთარ, ოფიციალურ, ფეისბუკ გვერდზე გავრცელებული ვიდეომასალიდან ნათლად ჩანს, თუ რამდენად მძიმე მდგომარეობაა გურიის სოფლებში;

სოფელ ნაგომარში საცხენოსნო შეჯიბრი „ოზურგეთის თასი 2026“ ამსახველი ვიდეოდან, რომელიც ოზურგეთის მერიამ გაავრცელა, მკაფიოა, თუ რა მძიმე დგომარეობაა გურიის სოფლებში – მიტოვებული სავარგულები, რომელიც ოდესღაც სახნავ-სათესად გამოიყენებოდა და ოზურგეთის მინიმუმ ხუთი სოფლის, მთისპირის, ასკანის, მზიანის, ნაგომრისა და ძიმითის მოსახლეობას ამარაგებდა, ახლა დაუხნავი, მიტოვებული და მიგდებულია, ეს ადგილი ხელისუფლებას წელიწადში ერთხელ ახსენდება, ‘საცხენოსნო შეჯიბრის” დროს.

თავი რომ დავანებოთ ადგილობრივი ბიუჯეტიდან გამოყოფილ თანხებს, რომელიც კონკრეტულად ამ ღონისძიებაზე იხარჯება, მარტო ის ფინანსები, რომელსაც ადგილობრივი ხელისუფლება, აგილობრივ ბიზნესს “აწერს” და ართმევს – თითქოსდა ამ შეჯიბრის გამარჯვებულთათვის ფულად პრიზების გადასაცემად-საკმარისი იქნებოდა იმისათვის, რომ ადგილობრივ გლეხობას თავისი საყანე ფართობებისათვის მიეხედათ და საზღვარგარეთ არ გადახვეწილიყვნენ ლუკმა პურის საშოვნელად;

მდგომარეობა მართლაც ტრაგიკომიკურია-უყურებთ ვიდეოს, სადაც ადგილობრივი ხელისუფლების წარმომადგენლები კამერების წინ პოზიორებენ, კუდაბზიკობენ, თვლიან რომ “რაღაცას” აკეთებენ, სინამდვილეში კი, ადემონსტრირებენ იმ დიდ ტრაგიკულ რეალობას, რომელიც არათუ კადრს მიღმა, არამედ კადრშიც კარგად ჩანს-ყველასაგან მიტოვებული სოფლები და ცხოვრების სასტიკი რეალობის წინაშე ეულად დარჩენილი გლეხობა;

და მაინც, გთავზობთ ადგილობრივი ხლისუფლების ტექსტს და ვიდეოს, რომლის გავრცელებითაც, ეს ხალხი ფიქრობს, რომ “რაღაცა ხომ მაინც კეთდება”

ოზურგეთის მუნიციპალიტეტის მერიის მხარდაჭერითა და სპორტულ-გამაჯანსაღებელ დაწესებულებათა გაერთიანების ორგანიზებით, სოფელ ნაგომარში საცხენოსნო შეჯიბრი „ოზურგეთის თასი 2026“ გაიმართა.

https://www.facebook.com/reel/27770113122638826 – ვიდეო იხილეთ ამ ბმულზე

ღონისძიებას ოზურგეთის მუნიციპალიტეტის მერი პაატა კუნჭულია, გურიის მხარეში სახელმწიფო რწმუნებულ გიორგი ღურჯუმელიძესთან და ოზურგეთის მუნიციპალიტეტის საკრებულოს თავმჯდომარე დავით დარჩიასთან ერთად დაესწრო.

შეჯიბრში საქართველოს სხვადასხვა მუნიციპალიტეტიდან ჩამოსული საცხენოსნო კლუბების წარმომადგენლები მონაწილეობდნენ. საერთო საპრიზო ფონდმა 22 000 ლარი შეადგინა. გამარჯვებულები ოთხი საცხენოსნო გარბენის 12 საპრიზო ადგილზე გამოვლინდნენ:

• ნაგომრის თასი – დისტანცია 1400 მ/2-წლიანი სუფთა სისხლის ცხენების გარბენი:

I ადგილი – საბა ხურცია (აბაშა) – 2500 ლარი;

II ადგილი – აზერ ალიევი (სოფელი ყულარი, მარნეულის მუნიციპალიტეტი) – 1500 ლარი;

III ადგილი – გაბრიელ გოგლიძე (თბილისი) – 1000 ლარი.

• საქართველოს პატრიარქის ილია II-ის ხსოვნისადმი მიძღვნილი გარბენი – დისტანცია 2400 მ/უფროსი ასაკის სუფთა სისხლის ცხენების გარბენი:

I ადგილი – ნიკა ფერაძე (ახმეტა) – 2500 ლარი;

II ადგილი – აზერ ალიევი (ყაზბეგი) – 1500 ლარი;

III ადგილი – გიორგი ცინცაძე (ჩოხატაური) – 1000 ლარი.

• გურული მხედრების თასი 2026 – დისტანცია 2000 მ/ნახევრად სუფთა სისხლის ცხენების გარბენი:

I ადგილი – გოგიტა კოწიწაშვილი (თბილისი) – 2500 ლარი;

II ადგილი – საბა ხურცია (ბოლნისი) – 1500 ლარი;

III ადგილი – საბა თელია (ბოლნისი) – 1000 ლარი.

• ოზურგეთის თასი – დისტანცია 2000 მ/3-წლიანი სუფთა სისხლის ცხენების გარბენი:

I ადგილი – საბა ეხვაია (თბილისი) – 3000 ლარი;

II ადგილი – საბა თელია (თბილისი) – 2500 ლარი;

III ადგილი – აზერ ალიევი (ოზურგეთი) – 1500 ლარი.

საპრიზო ადგილებზე გასული მონაწილეები სიგელებით, თასებითა და ფულადი პრიზებით ოზურგეთის მუნიციპალიტეტის მერმა პაატა კუნჭულიამ, გურიის მხარეში სახელმწიფო რწმუნებულ გიორგი ღურჯუმელიძესთან და ოზურგეთის მუნიციპალიტეტის საკრებულოს თავმჯდომარე დავით დარჩიასთან ერთად დააჯილდოვა.

სპორტული ნაწილის დასრულების შემდეგ, ღონისძიება მუსიკალური პროგრამით გაგრძელდა, რომლის ფარგლებშიც ადგილობრივი აუდიტორიის წინაშე DJ ALEX SARTANIC წარსდგა

გააზიარეთ და მოიწონეთ სტატია: