34 წლის შემდეგ მსოფლიოს ერთ-ერთ ყველაზე პრესტიჟულ, კანის რიგით 74-ე კინოფესტივალზე თენგიზ აბულაძის ფილმი “მონანიება” ბრუნდება.
მთავარი ჯილდოს, „ოქროს პალმის რტოს” მოსაპოვებლად წელს მსოფლიოს ყველაზე პრეტიჟულ ფესტივალზე 24 კინოსურათი იბრძვის.
კინოჩვენება ფრანგი რეჟისორის, ლეოს კარაქსის მიუზიკლით, სახელწოდებით Annette გაიხსნა. ფილმში ყველასთვის საყვარელი მსახიობები მარიონ კოტიარი და ადამ დრაივერი მონაწილეობენ.
წელს კანის ფესტივალის ჟიურის ხელმძღვანელი სახელგანთქმული, ოსკაროსანი რეჟისორი, სპაიკ ლია.
პრესკონფერენციაზე მედიაპლატფორმა Movement-ის ჟურნალისტმა, ანანო ბაკურაძემ თბილისში ძალადობრივი ჯგუფების მიერ ჩადენილი ქმედებები მოკლედ მიმოიხილა და რეჟისორს საკუთარი გამოცდილების გაზიარება სთხოვა. სპაიკ ლიმ ქართველ ჟურნალისტს ინფორმაციის მიწოდებისთვის მადლობა გადაუხადა და საკონფერენციო დარბაზში მსხდომ მედიის წარმომადგებლებს ინფორმაციის გავრცელებისკენ მოუწოდა.
კოვიდ-19-ის გამო, უსაფრთხოების ზომები მკაცრად იქნება დაცული. კინოფესტივალის სტუმრებს ჩვენებებზე დასასწრებად, ყოველ 48 საათში PCR ტესტის ჩატარება ან კოვიდსერტიფიკატის წარდგენა მოუწევთ. კანის კინოფესტივალი 17 ივლისის ჩათვლით გაგრძელდება.
შეგახსენებთ, რომ კანის კინოფესტივალი საფრანგეთის ცხელ სანაპიროზე გუშინ ოფიციალურად გაიხსნა.
2 წლიანი პაუზის შემდეგ პირველად წითელ ხალიჩაზე მაყურებლისათვის საყვარელი ცნობილი კინოვარსკვლავები გამოჩნდნენ.
მათ კამერების წინ ტრადიციისამებრ, გამორჩეული სამოსით გაიბრწყინეს.
ყველასთვის საყვარელმა მსახიობებმა – ჯესიკა ჩესტეინმა, მარიონ კოტიარმა და ჰელენ მირენმა არჩევანი სადა და დახვეწილ სამოსზე შეაჩერეს.
სტუმრებს შორის საკუთარი სტილით ბელა ჰადიდიდი და ქენდის სვეინპოლი გამოირჩეოდნენ.
მსგავსი სტატიები:
მხარს არავის ვუჭერ, რასაც ვუყურებ, ასე მირჩევნია – მეუფე იაკობი პოლიტიკურ განწყობაზე
“პირველი გამარჯვება არის, თუ ბრძოლა გაგრძელდება საავადმყოფოც იარსებებს”
“დაწყევლილი მყავდა ყველა ქართველი, ვინც სამშობლოს ეროვნულ საგანძურს დაუკარგავდა”
“ამ ძალისთვის ჰესი საერთოდ არ არის საინტერესო, ამათთვის საინტერესო პროცესია, საიდანაც სათავისო შედეგები უნდა გამოწველონ”
წვიმა, სეტყვა და ძლიერი ქარი-29-30 ივნისის პროგნოზი საქართველოს ზოგიერთ რაიონში
1 ივლისდან, მიუხედავად კომენდანტის საათის მოხსნისა, რესტორნები და ბარები მხოლოდ ღამის 12 საათამდე იმუშავებენ – საკოორდინაციო საბჭო
ესპანეთის ქალაქი, რომელიც კლდის თავზეა გაშენებული და სულ ერთი ქუჩა აქვს
წელს ეროვნულ გამოცდებს 24 მსჯავრდებული აბარებს