ერთიანი ეროვნული გამოცდები დასრულდა და შედეგების გამოქვეყნებამდე, აბიტურიენტებს საშუალება აქვთ მიღებული ქულა, თუ ის არ აკმაყოფილებთ, გაასაჩივრონ. შეფასებისა და გამოცდების ეროვნული ცენტრის ინფორმაციით, 2021 წლის ერთიანი ეროვნული გამოცდების მონაწილეებს საშუალება აქვთ, სააპელაციო განაცხადით „ნაეკს“ 6 აგვისტოს 10:00 საათიდან 10 აგვისტოს 18:00 საათამდე. სააპელაციო განაცხადები მიიღება მხოლოდ ელექტრონულად ვებგვერდებზე: online.naec.ge და www.naec.ge.
განაცხადის შევსების ინსტრუქცია:
აპელაციისათვის განკუთვნილ ბმულზე გადასვლის შემდეგ შესაბამის ორ ველში უნდა შეიყვანოთ პირადი ნომერი და ხუთნიშნა პაროლი.
მითითებული სიმბოლოების შეყვანის შემდეგ უნდა დააჭიროთ ღილაკს „შესვლა“, შემდეგ კი „განაცხადის შევსება“ და დაიწყოთ იმ გამოცდების მონიშვნა, რომელთა გასაჩივრებაც გსურთ.
საგნის მითითების შემდეგ უნდა აირჩიოთ დავალებები. თუ გსურთ გაასაჩივროთ მთელი ნაშრომი, უნდა მონიშნოთ სათითაოდ ყველა დავალება.
თქვენ მიერ დამუშავებულ ინფორმაციას სისტემა ინახავს, როგორც დროებითს. დროებით განაცხადში არაერთხელ შეგიძლიათ ცვლილებების შეტანა.
გაითვალისწინეთ: დროებითი განაცხადი გაუქმდება, თუ არ დააჭერთ ღილაკს „გაგზავნა“. გაგზავნის შემდეგ განაცხადში ცვლილებებს ვეღარ შეიტანთ.
გაითვალისწინეთ: ორი ან მეტი გამოცდის შედეგის აპელირებისას უნდა შეავსოთ შესაბამისი ინფორმაცია ყველა გამოცდისათვის სისტემიდან გამოსვლის გარეშე და მხოლოდ ამის შემდეგ გააგზავნოთ განაცხადი. თუ აპელაციის საფასური არ გაქვთ გადახდილი, საგანს ვერ აირჩევთ.
აბიტურიენტს შეუძლია გაასაჩივროს როგორც ერთი, ასევე რამდენიმე დავალება, ერთი საგნის გასაჩივრების საფასური კი 50 ლარია.
etaloni.ge
მსგავსი სტატიები:
ამ წუთებში მაიკ პომპეო საპატრიარქოში ილია მეორეს ხვდება
“უკვე სასაცილოა ამ ხელისუფლებას რამე მოთხოვო”
ნასაკირალზე უსახლკარო ცუგა, ახალ პატრონს ელოდება- შემფარებელს, კვების და სხვა ხარჯებს დაუფინანსებენ
რატომ არ რიგდება ხელფასები ოზურგეთის საბავშვო ბაღებში?
ოზურგეთი 3 მარტი- ხანდაზმული ქალი, მოწყალებას ითხოვს
მუსლიმანური სამყარო დღეს რამაზან ბაირამის დღესასწაულს აღნიშნავს
„ფილიპ მორისის“ დირექტორი სიგარეტის აკრძალვის ინიციატივით გამოვიდა
გურული: აშშ-ში 8 კვირა ეძლევა სამედიცინო პერსონალს, რომ აიცრან – აუცრელებს დაითხოვენ