ნიკოლოზ ბასილაშვილი მასტერსის ფინალში დამარცხდა

ნიკოლოზ ბასილაშვილი ინდიან უელსის მასტერსის ფინალში ბრიტანელ კამერონ ნორისთან დამარცხდა. მსოფლიოს რეიტინგში ოცდამეთექვსმეტე ადგილზე მყოფმა ქართველმა ჩოგბურთელმა თავისზე ათი პოზიციით მაღლა მდგომ მეტოქეს პირველი სეტი მოუგო, ანგარიშით 6:3. მეორე სეტში ოთხი ქულა აიღო, ხოლო მესამეში – მხოლოდ ერთი.

ნიკოლოზ ბასილაშვილმა ინდიან უელსის მასტერსზე, ფინალის გზაზე ხუთი ეტაპი დაძლია. მოუგო ამერიკელ კრისტოფერ იუბენქსს (6:4, 6:3), ესპანელ ალბერტ რამოს-ვინოლასს (4:6, 7:6, 6:2), რუს კარენ ხაჩანოვს (6:4, 7:6), ბერძენ სტეფანოს ციციპასს (6:4, 2:6, 6:4) და ამერიკელ ტეილორ ფრიცს (7:6, 6:3).

გააზიარეთ და მოიწონეთ სტატია: