მინდა, ეს ტექსტი ბოლომდე წაიკითხოთ – ვახო სანაია

ჟურნალისტი, “ფორმულას” ტელეწამყვანი ვახო სანაია “ფეისბუქის” პირად გვერდზე შემდეგი სახის პოსტს აქვეყნებს:

“მინდა, ეს ტექსტი ბოლომდე წაიკითხოთ.

ვფიქრობ, იმდენად რუტინა გახდა სიკვდილი, უკვე ვეღარც ვაცნობიერებთ. სიბნელით, ფანატიზმით, ზედ დაფუძნებული ძალაუფლების დაუოკებელი წყურვილით, კორუფციით და ათასი უბედურებით ქვეყანა უფსკრულშია.

კორონავირუსით დაღუპულთა რაოდენობა 11 ათასს უახლოვდება. 11 ათასს ! გავიაზროთ მსხვერპლის მასშტაბი. 11 ათასი!

კორონავირუსის საწინააღმდეგო პოლიტიკა ერთი დიდი ჩავარდნაა – შეცდომებით, დანაშაულებრივი გადაწყვეტილებებითა და კორუფციით.

11 ათასს უახლოვდება გარდაცვლილთა რაოდენობა – არც ერთი პასუხისმგებელი პირი.
ჩამოქცეული ეკონომიკა – პასუხისმგებელი არავინაა.
ჩავარდნილი ვაქციანაცია – პასუხისმგებელი არავინაა.
გაიხსენეთ, როდის იყო ამხელა მსხვერპლი ქვეყანაში ?
აფხაზეთში ომის დროს:

● ქართულ მხარეს დაიღუპა
დაახლოებით 9 000-მდე ადამიანი – ჯარისკაცები
და მშვიდობიანი მოსახლეობა ერთად აღებული.

● 1500-ზე მეტი დაკარგული.
მეორე მხარეს ჯამში დაახლოებით 4 000 ადამიანია დაღუპული.
რა ხდება ამ დროს:

ხელისუფლება აყალბებს არჩევნებს;

ძალაუფლება უზურპირებულია;

სახელმწიფო მიტაცებულია ;

სისხლის სამართლის დამნაშავეები ქუჩებში დასეირნობენ, რადგან ოცნებისთვის ხმებს აგროვებენ;

მასწავლებლებსა და სხვა საჯარო მოხელეებს ხან აქციებზე მიერეკებიან, ხან საარჩევნო ურნებთან;

საერთოდ ყველას უსმენენ და უთვალთვალებენ;

მორგოშიებსა და ათასი ჯურის რუს ნაბიჭვრებს აიარაღებს;

გრეჩიხებს აქციებს ატარებინებს, ტენდერებს ჩუქნის და ქუჩაში აბოგინებს;
კორუფციას მიაქვს ქვეყანა.

და ასე შემდეგ და ასე შემდეგ…
● 11 ათასი!,” – წერს სანაია სოციალურ ქსელში.

გააზიარეთ და მოიწონეთ სტატია: