კრიშნას ჩაძირული ქალაქი

ინდოეთის ერთ-ერთ საიდუმლოდ საოცარი ქალაქი დვარკა ითვლება, რომელიც ინდუისტური მითოლოგიის მიხედვით, კრიშნას სამეფოს დედაქალაქი იყო. როდესაც კრიშნამ ძველი დედაქალაქის, მატჰურას დატოვების გადაწყვეტილება მიიღო, მან ახალი დედაქალაქის აშენება ბრძანა. დვარკა ერთ ღამეში ააშენეს და მან 10 ათასი წლის მანძილზე იარსება. ხოლო, კრიშნას სიკვდილიდან მეშვიდე დღეს, ის ზღვამ შთანთქა…

ალბათ ბევრი იტყვვის, რომ ეს ლამაზი ზღაპარია. მაგრამ, არა!

სულ ცოტა ხნის წინ, არქეოლოგებმა დაამტკიცეს, რომ ამ ლეგენდას ისტორიული საფუძველი გააჩნია — მათ არაბეთის ზღვის ფსკერზე, უძველესი ქალაქის ნაშთები აღმოაჩინეს.

კრიშნას სამეფოს დედაქალაქი ინდოელმა არქეოლოგმა დოქ. ს. რ. რაომ აღმოაჩინა და ეს მოვლენა იმდენად სენსაციური იყო, რომ ჩაძირულ ქალაქს «დოქტორი რაოს ატლანტიდა» უწოდეს.

გათხრები თანამედროვე დვარკის სამაპირო ზონაში ჯერ კიდევ, 1979 წ. დაიწყო. მაგრამ, თანამედროვე ტექნოლოგიების წყალობით, ლამაზი ლეგენდა ჭეშმარიტებად იქცა!

აკუსტიკური კვლევით დადგინდა, რომ ქალაქს მკაფიო გეომეტრიული ფორმები შენარჩუნებული აქვს. ასევე, აღმოაჩინეს კედლები, ფილებით მოპირკეთებული გზები, კირქვის ქანდაკებები… ოდესღაც ქალაქი იმდენად ლამაზი ყოფილა, რომ მანუსკრიპტებში მას «ზრაპრულ სამეფოდ» მოიხსენიებენ.

მეცნიერების აზრით, დვარკა ჯერ ცუნამის უძლიერესმა ტალღამ გადარეცხა, ხოლო შემდეგ, ზღვამ შთანთქა და მათი ვარაუდი, გეოლოგიური კვლევებითაც მტკიცდება — აღმოჩნდა, რომ რამდენიმე ათასი წლის წინ, ამ რეგიონში, ბუნებრივი სტიქიის შედეგად, ხმელეთის დიდი ნაწილი მართლაც დაიტბორა.

და ბოლოს, აღმოჩენილი ქალაქის სავარაუდო ასაკი, სხვადასხვა წყაროების მიხედვით, 2–დან — 30 ათას წლამდე ვარირებს. კვლევები გრძელდება და თუ აღმოჩნდა, რომ ქალაქის ასაკი 7–8 ათას წელს აღემატება, მაშინ იმის დაშვებაც შეიძლება, რომ შუმერების ისტორიული სამშობლო, მხოლოდ ტაპრობანი კი არა, ინდოეთიც იყო, როგორც ამას მეცნიერთა ერთი ნაწილი ამტკიცებს.

გააზიარეთ და მოიწონეთ სტატია:

მსგავსი სტატიები:

“ვიღაც სავსე სუფრასთან, ჭამისგან ცუდად ხდება, ვიღაც კუთხეში ზის და ულუკმაპურობით ხდება ცუდად” ჯულიეტა ვაშაყმაძე ჩემი თაობისთვის, დახვეწილობის და სილამაზის სიმბოლოა – მიხეილ სააკაშვილი თბილისში ტონამდე გაურკვეველი წარმომავლობის და ვადაგასული ხორცი აღმოაჩინეს წვიმა ელჭექით, სეტყვა და ქარი-უახლოესი დღეების პროგნოზი კვარიათში, ზღვაში მაშველებმა ახალგაზრდა კაცის ცხედარი იპოვეს ევროპული სასწავლო პროგრამა, როგორც ხიდი საერთაშორისო განათლებისკენ 14 სიმართლე ჩვილების შესახებ, რომელიც ყველამ უნდა იცოდეს! “მოკლედ, ვისი ვიოლინო ვის როიალშია ღმერთმა იცის”