“ნაციონალური მოძრაობის” ცენტრალურ ოფისში მოშიმშილეების მოსანახულებლად ნიკა მელიას მამა, ექიმი ანზორ მელია მივიდა. როგორც მელიამ ჟურნალისტებს განუცხადა, მოშიმშილეებს ჯანმრთელობის პრობლემები უკვე აქვთ.
“შიმშილობის მეოთხე, მეხუთე, მეექვსე დღეს ჯანმრთელობის მხრივ სერიოზული პრობლემები გამოჩნდება. არ მაქვს უფლება სამსახურში მშვიდად ვიჯდე, არ მოვიდე და ამ ხალხის ჯანმრთელობით არ დავინტერესდე. პრობლემები უკვე არის, მაგრამ იმდენად არიან თავგადადებულები, არ მიჯერებენ. არ შეიძლება ასე. როგორ შეიძლება ადამიანს შაქრიანი დიაბეტი ჰქონდეს, ან ღვიძლის ფუნქცია იყოს ასეთი და შიმშილობდეს”,- განაცხადა ანზორ მელიამ.
რაც შეეხება იმას, რომ ხელისუფლების მხრიდან სასწრაფო დახმარების არცერთი ბრიგადა არაა “ნაციონალური მოძრაობის” ოფისის ტერიტორიაზე გამოყოფილი, ანზორ მელია ამბობს: “ეკატერინე ტიკარაძე თანამდებობაზე რომ ყოფილიყო, დარწმუნებული ვარ, დღეს აქ არათუ ერთი, არამედ რამდენიმე ბრიგადა იქნებოდა”.
“მეთაური არ ჰყავთ და “ოცნება” რასაც აკეთებს, ჩემზე უკეთ იცით. “ნაციონალები” მთლიანად თუ გაწყდებიან, ის გაუხარდებათ”,- განაცხადა ანზორ მელიამ.
ცნობისთვის, “ნაციონალური მოძრაობის” ოფისის მიმდებარედ პარტიის წევრებისა და მხარდამჭერების მასობრივი შიმშილობის აქცია უკვე მეოთხე დღეა მიმდინარეობს. ტერიტორიაზე 12 კარავია გაშლილი და 200-მდე ადამიანი შიმშილობს.
მსგავსი სტატიები:
“თუ კოვიდი გადაიტანე და ანტისხეულები გაგივითარდა, 10-ჯერ მცირდება შენი რეინფექციის რისკი“
ბათუმში კორონავირუსით 20 წლის ქალი გარდაიცვალა
10 ნოემბრის კოვიდსტატისტიკა
ბოლო 24 საათში, გურიაში კორონავირუსის 109 შემთხვევა გამოვლინდა-19 ნოემბრის კოვიდსტატისტიკა
ახასიათებს მაღალი ტემპერატურა, აჩქარებული გულისცემა, სრული მოშლილობა – კიდევ რა სიმპტომები აქვს „ომიკრონს“, რომლის გამო მთელი მსოფლიო პანიკამ მოიცვა?
“ჩვენთან “ომიკრონი“, სავარაუდოდ, 2-3 კვირის შემდეგ გამოჩნდება… გვექნება შტორმი. ძალიან სწრაფად გადაგვივლის” – დევი ტაბიძე
16 დეკემბრის კოვიდსტატისტიკა
ბოლო 24 საათის განმავლობაში, გურიაში კორონავირუსის-55 ახალი შემთხვევა დაფიქსირდა-24 დეკემბრის კოვიდსტატისტიკა