ლანჩხუთში საახალწლო განათებები დააზიანეს

ლანჩხუთში დაზიანებული საახალწლო განათებების შესახებ ინფორმაციას კეთილმოწყობის სამსახურის ხელმძღვანელი ავრცელებს:

“წელს ყველა აღიარებდა, რომ ლანჩხუთი უჩვეულოდ ლამაზად იყო მორთული საახალწლოდ. ამისთვის არაერთ დღეს ვშრომობდით, ცუდ ამინდში ქარსა თუ წვიმაში.

სამწუხაროდ, ქალაქის ცენტრში ვიღაცების მიერ დაზიანდა განათებები, რაც ძალიან აღმაშფოთებელია.

მინდა მივმართო ამის გამკეთებელს, რა დაგიშავა ასეთი ჩვენმა ქალაქმა, რომ ამას სჩადიხარ?!

ნუთუ, არ გინდა ნორმალურ და მოწესრიგებულ ქალაქში ცხოვრება?! სანამდე უნდა აკეთო ეს ვინც ხარ?!

არ გცხვენია ამ უნამუსო საქციელის?!

დავით წულაძე, ა(ა)იპ ლანჩხუთის კეთილმოწყობის და მოსახურების ცენტრის დირექტორი.