კობახიძე პირდაპირ აშანტაჟებს ჩვენ დასავლელ მეგობრებს…დადგა დრო გადაიდგას კონკრეტული ნაბიჯებიც – ნიკა მელია

კობახიძე პირდაპირ აშანტაჟებს ჩვენ დასავლელ მეგობრებს, რომ ისინი ამ კრიტიკით დაკარგავენ ჩვენი საზოგადოების ნდობას – ასე ეხმაურება “ნაციონალური მოძრაობის” თავმჯდომარე, ნიკა მელია “ქართული ოცნების” ლიდერის, ირაკლი კობახიძის განცხადებას, რომ დასავლეთის მხრიდან საქართველოს ხელისუფლების კრიტიკა საქართველოს საზოგადოების დასავლეთის მიმართ ნდობას არყევს.

ნიკა მელია ამბობს, რომ ისინი თანამშრომლობენ დასავლელ პარტნიორებთან და ახლა სწორედ ქმედითი ნაბიჯების გადადგმის დროა.

 ნიკა მელიას განცხადება:

“დღეს ჩვენ მოვისმინეთ ირაკლი კობახიძის განცხადება, რომ დასავლეთის მხრიდან საქართველოს ხელისუფლების კრიტიკა, თურმე საქართველოს საზოგადოების დასავლეთის მიმართ ნდობას არყევს.

რა დგას ამ განცხადების უკან? რა არის მისი შეფუთული შინაარსი და გზავნილი და რატომ წარმოაჩენს ეს განცხადება კიდევ ერთხელ, რომ რეჟიმი უკიდურესად სახიფათო გზას ადგას, დასავლელ მეგობრებს შანტაჟის ენაზე ესაუბრება და ქვეყნის ბედით თამაშობს

მმართველი რეჟიმი სულ უფრო და უფრო ყალიბდება რუსული ტიპის ავტოკრატიად, სადაც მეგობრების წუხილს და მხარდაჭერას დემოკრატიის მიმართ არა სტრატეგიულ პარტნიორობად, არამედ ,,შიდა საქმეებში ჩარევად”, ზეწოლად და ,,სუვერენიტეტის შელახვად” აფასებენ

თურმე დემოკრატიული სამყაროს წუხილი იმის გამო, რომ საქართველო, მისი დემოკრატიული ინსტიტუტები, ნდობა არჩევნების მიმართ, სასამართლო განვითარების ნაცვლად დღითიდღე სუსტდება – არის ადამიანური შეცდომების და არასწორი იფორმაციის შედეგი

კობახიძე პირდაპირ აშანტაჟებს ჩვენ დასავლელ მეგობრებს, რომ ისინი ამ კრიტიკით დაკარგავენ ჩვენი საზოგადოების ნდობას – პირდაპირ აშანტაჟებს, რომ საქართველოში დემოკრატიის მხარდაჭერა თუ გაგრძელდა, პროდასავლური კურსი გადაიხედება!

სინამდვილეში საქართველო უფრო წინ წავა და მყარი არჩეული პროდასავლური კურსი მეტად გაძლიერდება, რაც მეტი იქნება სამარცხვინო რეჟიმის ნაბიჯების ღია კრიტიკა და დადგა დრო გადაიდგას კონკრეტული ნაბიჯებიც

ჩვენ მჭიდროდ ვითანამშრომლებთ ჩვენ დასავლელ მეგობრებთან, რომ ეს გეგმა რეჟიმისა, რომ საქართველო დაივიწყონ, ყურადღება აღარ მიაქციონ, რომ რეჟიმს მისცენ დრო და საშუალება საბოლოოდ მიიტაცოს სახელმწიფო ჩაიშალოს! 2022 წელი ამ მხრივ ძალიან მნიშვნელოვანი წელია”

გააზიარეთ და მოიწონეთ სტატია:

მსგავსი სტატიები:

პარლამენტში მინისტრობის კანდიდატებს უსმენენ ჯიმ რიში-საქართველოს ვეღარ დავეხმარებით, თუ პროგრესი არ იქნება „ „ჯიგრულ, ქართულ პონტში“ ეს ყველაფერი დაივიწყეთ და მოვდივარო”… „ქართული ოცნება”-„ერთიანმა ნაციონალურმა მოძრაობამ“ თავისი დესტრუქციული პოლიტიკური პროგრამის მარცხი ფაქტობრივად აღიარა” “რაღაც უცხო „აცრა“ აქვს გაკეთებული -სამშობლოზე აცრეს, ეტყობა,  საკუთარი ქვეყნის სიყვარული რომ არ დაემართოს“-თაკო ჩარკვიანი პრემიერზე თავისუფლებამიშას! – მიხეილ სააკაშვილის მხარდამჭერი აქცია ბრიუსელში “ჩემი რჩევა იქნება…მიბაძონ ბატონ ხაზარაძეს, დატოვონ პარლამენტი და “ოცნება” დატოვონ საკუთარ თავთან მარტო” – მიხეილ სააკაშვილი “იწყება ახალი მარათონი – მნიშვნელოვანი რეფორმებისა და ინიციატივების”-ნინო წილოსანი