თეთრ სახლში ამბობენ, რომ რუსეთი უკრაინაში შესაძლოა ნებისმიერ დროს შეიჭრას და უკრაინაში მყოფ ამერიკის მოქალაქეებს მოუწოდებენ 48 საათში ქვეყნის დატოვებისკენ. ამის შესახებ აშშ–ის პრეზიდენტის მრჩეველმა ეროვნული უსაფრთხოების საკითხებში ჯეიკ სალივანმა ბრიფინგზე ისაუბრა.
“ჩვენ არ ვამბობთ, რომ გადაწყვეტილება მიღებულია. ნათლად ვერ ვიტყვი, თუმცა შესაძლოა ოლიმპიადის მიმდინარეობის დროს დაიწყოს, მიუხედავად ბევრი სპეკულაციისა, რომ ოლიმპიადის შემდეგ დაიწყებენ. ნებისმიერმა ამერიკელმა მომდევნო 24 ან 48 საათში უკრაინა ნებისმიერი შესაძლო გზით უკრაინა უნდა დატოვოს. თუ დარჩებით, თქვენ დადგებით რისკის წინაშე და არ გექნებათ არანაირი გარანტია, რომ რაიმე სხვა გზა გექნებათ უკრაინის დასატოვებლად ან იმედი, რომ რუსეთის შეჭრის შემთხვევაში აშშ სამხედრო ევაკუაციას განახორციელებს” – თქვა ჯეიკ სალივანმა.
აშშ-ს პრეზიდენტის, ჯო ბაიდენმაც თქვა, რომ ამერიკის მოქალაქეებმა უკრაინა ახლავე უნდა დატოვონ. მისივე თქმით, ვითარება იძაბება და უკრაინაში რუსეთის შეჭრის შემთხვევაში ამერიკელების გადასარჩენად სამხედროების გაგზავნას არ აპირებს. ასევე, თეთრმა სახლმა კონფლიქტის შემთხვევაში უკრაინიდან ამერიკელების ევაკუაციის გეგმა დაამტკიცა.
თავიანთ მოქალაქეებს უკრაინის დატოვებისკენ მოუწოდებს დიდი ბრიტანეთი, ნიდერლანდები, იაპონია, ლატვია და სამხრეთ კორეაც.
მსგავსი სტატიები:
“ბიჭების ჩანთები იპოვეს, სავარაუდოდ ახლოს არიან მაშველები”
“უკიდურესად გაღატაკებული ხალხი, ხოლო ხელისუფლებაში სამ-სამ ღაბაბიანი ქურდები”
“ენმ” პარლამენტში შედის
“მედიატერორისტი და კოვიდმოქეიფე ირაკლი ღარიბაშვილი უნდა წავიდეს”-ნიკა გვარამია
ელისო ბოლქვაძე – ბათუმის შავი ზღვის ხელოვნების ფესტივალი 2022 წლის სექტემბერში, იუნესკოს მაღალი პატრონაჟით კვლავ გაიმართება
“ყველანი უბნებზე! ცვლილებების დროააააა”- ნიკა გვარამია
შალვა თავდიშვილი ტიტე მგელაძესთან სავარაუდოდ დამარცხდა
ის, რაც ეთერში არ მოხვდა – როგორ იწერებოდა ელის მარია სააკაშვილის სასცენო დებიუტი (ვიდეო)