საზოგადოების დაკვეთაა, რომ „ნაციონალური მოძრაობის“ ამ რადიკალურ ნაბიჯებს წერტილი დაესვას – ანრი ოხანაშვილი

„ქართული ოცნების“ გუნდს არანაირი საგამოძიებო კომისიის შექმნის არ ეშინია, სწორედ ჩვენ ვიყავით, რომ მიმდინარე სისხლის სამართლის გამოძიების ფარგლებში შევქმენით საგამოძიებო კომისია, როდესაც საზოგადოებრივი ინტერესი იყო მაღალი, – ამის შესახებ პარლამენტის იურიდიულ საკითხთა კომიტეტის თავმჯდომარე, ანრი ოხანაშვილმა „ქრონიკაში“ განაცხადა.

მისივე თქმით, მმართველი გუნდი ნებისმიერ პოლიტიკურ ოპონენტთან პაექრობისთვის მზად არის.

„ქართული ოცნების“ დღევანდელი გუნდი არის ძლიერი, გამოცდილი, პროფესიონალი კადრებით დაკომპლექტებული და შესაბამისად, გვაქვს ამბიცია, რომ რადგან ხალხმა გვანდო ხელისუფლებაში ყოფნა, მაქსიმალურად გავამართლოთ ჩვენი მხარდამჭერებისა და საზოგადოების მოლოდინები. ამიტომაც ჩვენ პრობლემად არ განვიხილავთ ასეთი ტიპის კომისიებს, უბრალოდ აქ დგას საკითხი, თუ რა სურს „ნაციონალურ მოძრაობას“. მათ თვითონაც ძალიან კარგად იციან, რომ წამებასა და არაადამიანურ მოპყრობაზე მსჯელობა აბსურდია. მათი ინტერესია არა მართლაც რაიმე ტიპის შინაარსობრივი საკითხების განხილვა, არამედ მსჯავრდებული სააკაშვილი როგორღაც ამყოფონ საზოგადოებივი ინტერესის ქვეშ. ერთის მხრივ, შეიძლება ცუდი არ იყოს – ასეთი კომისია შეიქმნას და ჩვენმა საზოგადოებამ კიდევ ერთელ ნახოს ამ რადიკალური ჯგუფის ნამდვილი სახე, თუმცა მეორე მხრივ, ჩვენი საზოგადოების, განსაკუთრებით ჩვენი მხარდამჭერების დაკვეთა არის ის, რომ „ნაციონალური მოძრაობის“ ამ რადიკალურ ნაბიჯებს წერტილი დაესვას. ამიტომ ჩვენ არ შევალთ იმ პროცესში, რომელიც უკავშირდება შოუსა და სპექტაკლის დადგმას, – განაცხადა ანრი ოხანაშვილმა.

რეზონანსი

გააზიარეთ და მოიწონეთ სტატია:

მსგავსი სტატიები:

გავრცელებული ინფორმაციით, თამარ ჟვანია გადადგა “პრემიერის პოსტზე ღარიბაშვილის თავიდან გამოჩენა მიანიშნებს, რომ ივანიშვილი მოვლენებს პირდაპირ აკონტროლებს” პრემიერმა უცხოური ინვესტიციების მოზიდვის მიმართულებით სპეციალური მრჩეველი დანიშნა ამასობაში, საკუთარ ქვეყანას რას ერჩიან?!… პაპუაშვილი ოპოზიციაზე “ბახმარო არის მაგალითი, როგორ შეიძლება გაავერანო ,მოსპო და განადგურო მარგალიტი, ასეთი დამნაშავე ხელისუფლების პირობებში”- არმაზ ახვლედიანი მიშა, ტაშს გიკრავ, ბრძოლა ბოლომდე! – მამის მიმართვა სააკაშვილს ”ვინც ყველაზე გულღრძოდ აგინებენ სააკაშვილს,ნატრობენ მის ადგილზე ყოფნას,რათა გაექცნენ საკუთარ ჯუჯა კაცობას”-სულაშვილი სასამართლომ რუსთავი 2 ქიბარ ხალვაშის საკუთრებაში დატოვა