5-12 წლის ბავშვებისთვის Covid-ვაქცინა ქვეყანაში II კვარტალში შემოვა – გამყრელიძე

დაავადებათა კონტროლის ეროვნული ცენტრის ხელმძღვანელის განცხადებით, 5-დან 12 წლამდე ასაკის ბავშვებისთვის განკუთვნილი კორონავირუსის საწინააღმდეგო ვაქცინა ქვეყანაში მიმდინარე წლის მეორე კვარტალში შემოვა.

ამის შესახებ მან საკოორდინაციო საბჭოს დასრულების შემდეგ ჟურნალისტებს განუცხადა.

„5-12 წლის ბავშვების ვაქცინაციის შესახებ წინასწარი მსჯელობა იმუნიზაციის საბჭოზე იყო. ჩვენ „ფაიზერისთვის“ ეს ვაქცინა, დაახლოებით, 50 000 დოზის ფარგლებში დაკვეთილი გვაქვს. პირველ ეტაპზე, ვფიქრობთ, ეს განკუთვნილი იქნება იმუნოკომპრომენტირებული და თანხმლები დაავადებებით ბავშვებისთვის, პირველი პარტია ამ ვაქცინის მეორე კვარტალში უნდა შემოვიდეს და ამის შემდეგ სურვილის მიხედვით, დაიწყება ვაქცინაცია“, – განაცხადა ამირან გამყრელიძემ.

გააზიარეთ და მოიწონეთ სტატია:
Pin Share