დღეს, 7 მარტს საქართველოს ეროვნული გმირის – ჟიული შარტავას დაბადების დღეა.
ჟიული შარტავა 1944 წლის 7 მარტს, სენაკში დაიბადა. სწავლობდა სენაკის მეორე საშუალო სკოლაში. 1966 წელს დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი.
1973 წელს სწავლობდა ასპირანტურაში ტექნიკური კიბერნეტიკის სპეციალობით. ეკავა კომკავშირული და პარტიული თანამდებობები თბილისსა და რუსთავში. საქართველოს სსრ უმაღლესი საბჭოს წევრი.
1989 წელს დაამთავრა სსრ კავშირის საგარეო საქმეთა სამინისტროს დიპლომატიური აკადემია.
1992 წელს ჟიული შარტავა საქართველოს რესპუბლიკის პარლამენტის წევრად აირჩიეს, რუსთავის მაჟორიტარული ოლქიდან. აფხაზეთის ომის დროს, 1993 წლის ივნისში, შარტავა აფხაზეთის ავტონომიური რესპუბლიკის მინისტრთა საბჭოს და აფხაზეთის თავდაცვის საბჭოს თავმჯდომარედ დაინიშნა.
1993 წლის 27 სექტემბერს, სოხუმის დაცემის დღეს, გენერალ-მაიორი შარტავა უშუალოდ ხელმძღვანელობდა მთავრობის სახლის დაცვას, რა დროსაც სეპარატისტისტებმა თანამებრძოლებთან ერთად ტყვედ აიყვანეს და დახვრიტეს. 2004 წელს ჟიული შარტავას პირველს მიენიჭა საქართველოს ეროვნული გმირის წოდება. იგი ასევე დაჯილდოებულია, სიკვდილის შემდეგ, ვახტანგ გორგასლის I ხარისხის ორდენით. დაკრძალულია თბილისში, ვაკის პანთეონში.
მსგავსი სტატიები:
“ქვეყანას თუ გადაწვავენ თორემ, საკაშკაშო რა აქვთ”
ივანიშვილი 1989 წლის 9 აპრილის მთავარ ჯალათს აფინანსებდა
კინაღამ “გალსტუკი” მოვახიე თალაკვაძეს- ვაშაძე
არჩილ თალაკვაძე, სავარაუდოდ, თბილისის მერობის კანდიდატად დასახელდება
(ფოტო) მოვიხადე ჩემი მოქალაქეობრივი ვალი – სანდრა რულოვსი მოქალაქეებს მიმართავს
პრემიერის სიმამრის პირველი კომენტარი შვილის შესაძლო დაკავებაზე
ქარტია: დაუშვებელია, სასამართლომ მედიას წაართვას უფლება, დაესწროს სააკაშვილის პროცესს
“პოლარიზაციის ხარისხის შემცირების სურვილი ოპოზიციის მხრიდან არ იკვეთება”