ბათუმის რესპუბლიკური საავადმყოფოს კლინიკურ მენეჯერს, გია კიკაბიძეს, კორონავირუსი დაუადსტურდა. ვირუსსზე, დადებითი პასუხი კიკაბიძემ გუშინ მიიღო. როგორც გურიის მოამბემ გაარკვია, კიკაბიძე ამჟამად, საკუთარ კლინიკაში იმყოფება და მისი ჯანმრთელობის მდგომარეობა დამაკმაყოფილებელია: _ თავს კარგად ვგრძნობ. მითხრეს, რომ კოვიდსასტუმროში გადავსულიყავი, თუმცა, ჩემს კლინიკაში დარჩენა ვარჩიე. აქ პაციენტებსაც მივაქცევ ყურადღებას, _ აღნიშნა ჩვენთან საუბრისას კიკაბიძემ.
გია კიკაბიძე ბოლო რამდენიმე თვეა სპიკერის ფუნქციას ითავსებს. სწორედ კიკაბიძე აცნობს საზოგადოებას ინფიცირებულთა სტატისტიკას ყოველდღე. “გურიის მოამბე” გამოჯანმრთელებას უსურვებს ბატონ გიას.
რაც შეეხება დღევანდელ სტატისტიკას აჭარაში _ ბოლო 24 საათში გამოჯანმრთელდა 420 პაციენტი (დღემდე გამოჯანმრთელებული 28 345 პაციენტი) დაფიქსიედა 142 ახალი შემთხვევა. კლინიკა დატოვა 84-მა პაციენტმა. კრიტიკულად, მართვით სუნთქვაზე 38 პაციენტი იმყოფება. ამ დროისთვის, აჭარაში სხვადასხვა კლინიკაში მკურნალობს 728 პაციენტი; კოვიდ სასტუმროში – 822 პაციენტი, ხოლო ონლაინ კლინიკაში 2 315 პაციენტი.
მსგავსი სტატიები
- 90
გასული დღე-ღამის განმავლობაში რეგიონში დაინფიცირების 14 ფაქტი გამოვლინდა: ოზურგეთში - 3, ლანჩხუთში - 11, ჩოხატაური - 0. დღეის მონაცემებით, გურიის რეგიონში 167 კოვიდდადებითი პაციენტია: ოზურგეთში - 49, ლანჩხუთში - 108, ჩოხატაურში - 10. - 89
ცოტა ხნის წინ, კორონავირუსის საწინააღმდეგო ვაქცინა გურიაში ჩამოიტანეს. “ასტრაზენეკას” პარტია ოზურგეთის საზოგადოებრივი ჯანდაცვის ცენტრში განთავსდა. ამ ეტაპზე, გურიის რეგიონისთვის 1100 ვაქცინა გამოიყო. აქედან ოზურგეთში – 600, ლანჩხუთში – 300, ჩოხატაურში – 200 ვაქცინის დოზა. ვაქცინაციის პროცესი ოზურგეთში 15 მარტიდან, ხოლო ჩოხატაურსა და ლანჩხუთში 17 მარტიდან დაიწყება. პირველ ეტაპზე სამედიცინო დაწესებულების… - 88
დღეს საქართველოში კორონავირუსის საწინააღმდეგო ვაქცინაცია დაიწყო. თავდაპირველად ვაქცინას მედპერსონალი გაიკეთებს. დილიდან, ვაქცინაციის პროცესი დაიწყო ოზურგეთშიც. ოზურგეთის კლინიკა “მედალფას” დირექტორი დავით მდინარაძე “ასტრაზენეკას” ვაქცინით აიცრა. “იმედი მაქვს დღეიდან დაიწყო კორონავირუსის დასასრულის დასაწყისი”- განაცხადა მდინარაძემ აცრის შემდეგ. შეგახსნებეთ,AstraZeneca-ს ვაქცინის 43 200 დოზა, რომელიც მედპერსონალისთვის არის განკუთვნილი, საქართველომ 13 მარტს მიიღო. გურიაში სულ 1100… - 88
დღეს, 18 მარტს ახალციხეში, კლინიკა „იმედში“ კორონავირუსის საწინააღმდეგო ვაქცინის გაკეთების შემდეგ ექთანი ცუდად გახდა. როგორც ექიმები საუბრობენ 30 წლამდე ქალის მდგომარება რთულია. ადგილზე მოხდა დაპირისპირებაც. ქალის ახლობლებმა კლინიკის მინები ჩაამტვრიეს. ქალი რეანიმაციულ განყოფილებაში იმყოფება. როგორც ადგილზე "სამხრეთის კარიბჭეს" განუცხადეს, ქალი ცუდად ვაქცინის გაკეთებიდან 15 წუთში გახდა. ადგილზე მობილიზებულია პოლიცია.