“ქართული ოცნების” დეპუტატი, ბექა დავითულიანი ამბობს, რომ ევროპარლამენტარის, ანა ფოტიგას განცხადებას არავითარი რეაგირება არ მოჰყვება და ბიძინა ივანიშვილის სანქციებს არავინ დაუწესებს.
“არაადამიანურად მას არავინ მოპყრობია, ამიტომ ფოტიგას მე ამ პოლიტიკურ განცხადებაში ვერ დავეთანხმები, რა პოლიტიკურ ანგარიშსწორებაზე ლაპარაკობს ადამიანი. რატომღაც სანქციების თემა ბიძინა ივანიშვილის მიმართ ასე ტალღასავით აწევენ ხოლმე ვიღაც პოლიტიკოსები ან მედიები, მერე მიხვდებიან, რომ არაფერი არ ხდება და ჩააცხრობენ. ისევ არაფერი მოხდება, ადრეც აუწევია საზღვარგარეთ არაერთ პოლიტიკოსს, არაფერი ამას არ მოჰყვება, ეს არის მისი ფანტაზიები”, – თქვა დავითულიანმა.
ევროპარლამენტარმა ანა ფოტიგამ ევროკავშირის უმაღლეს წარმომადგენელს საგარეო საქმეთა და უშიშროების პოლიტიკის საკითხებში, ჯოზეფ ბორელს საქართველოს ევროკავშირის გაწევრიანების საკითხთან დაკავშირებით წერილობით მიმართა. მან შეშფოთება გამოთქვა მიხეილ სააკაშვილის მიმართ იმგვარ მოპყრობაზე, “რომელიც ღრმად ეწინააღმდეგება ევროპულ სტანდარტებსა და ღირებულებებს”.
მან ასევე აღნიშნა, რომ ეს მოპყრობა პროვოცირებულია, რუსეთთან კავშირებისა და საქართველოს მთავრობაზე არაფორმალური გავლენის მქონე ოლიგარქის, ბიძინა ივანიშვილის მიერ.
მსგავსი სტატიები:
“ჯერ უბრალოდ ვაზუსტებ ნიკა მელია დამემუქრა თუ ხუმრობა იყო”-იაგო ხვიჩია
“ოცნების” დეპუტატი-არაფრის დათმობას არ ვაპირებთ არასდროს!
კალიურანდი: არჩევნებზე ევროპარლამენტი საქართველოში სადამკვირვებლო დელეგაციას გამოგზავნის
“მთავარი არხის” ექსკლუზიური ინტერვიუ უკრაინის სახალხო დამცველთან [VIDEO]
”იბრძოლე დღეს, რომ ხვალ ბედნიერად იცხოვრო. იბრძოლე დღეს, რომ ხვალ არ შეგეშინდეს ქუჩაში გასვლის..გაიღვიძე ერო”-გიორგი სულაძე
სანაიას მკვლელობის საქმის ახალი დეტალები – ღარიბაშვილის სიმამრი ბრალდებებს უარყოფს
“მეზიზღება სიტყვები “რუსეთის პროვოცირება”… თუ უკრაინაში დავმარცხდებით, პუტინი შემოუბრუნდება საქართველოსა და მოლდოვას”-ფარკასი
რა საერთო აქვს წიწიბურას შეკვრას, მაგიდის ნათურასა და ჟირაფს? – უკრაინელი ოჯახის სამი თილისმა