”მაგენს რა ენაღვლებათო” – ლანჩხუთის ექს-მაჟორიტარი გურულ პარლამენტარებს მიმართავს!

ლანჩხუთის ყოფილი მაჟორიტარი ომარ ხუციშვილი გურიის პარლამენტარებს, მოქმედ და ყოფილ მაჟორიტარებს _ არჩილ თალაკვაძეს, ვასილ ჩიგოგიძეს და ნინო წილოსანს ღია წერილით მიმართავს:

”რისთვის გვჭირდება დეპუტატები თუ ისინი საკუთარი ამომრჩევლის მიმართვას, შეკითხვას, მოსაზრებას მნიშვნელოვან საკითხზე არ გაეცნობა და დროულად არ უპასუხებს. მხედველობაში მაქვს გურიის რეგიონიდან პარლამენტში არჩეული დეპუტატების _ არჩილ თალაკვაძის, ნინო წილოსანის, ვასილ ჩიგოგიძის სახელზე 2 მარტს გამოქვეყნებული მიმართვა, რომელიც ქვეყანაში საგაზაფხულო სამუშაოების მთავარ საქმედ გამოცხადებას და მოსახლეობისათვის დახმარების აუცილებლობას ეხებოდა.

23 მარტს შეხსენების მიზნით მეორედ გამოვაქვეყნე იგივე მიმართვა, მაგრამ პასუხი ამჯერადაც არ ყოფილა. მიუხედავად იმისა, რომ მიმართვა სამივე დეპუტატის პირად გვერდზე მოინიშნა. როცა არ პასუხობენ, გასაგებია. ესეც თავისთავად პასუხია, რაც პირველ რიგში საკითხის მიმართ უინტერესო და უარყოფით დამოკიდებულებას ნიშნავს.  ასეთი დამოკიდებულება და უყურადღებობა ამ კონკრეტული საკითხის მიმართ საშიშია და მიუღებელი. თუ ომს და ბომბებს გადავურჩებით, მეორე უბედურებაა მოსალოდნელი. წლის ბოლოდან დაცარიელებული ბაზრებისა და მაღაზიების ფონზე თუ ზამთრის მარაგი არ გვექნა მთელი სიმწვავით დადგება შიმშილისაგან თავის გადარჩენის პრობლემა.
ამიტომ დეპუტატებს ამჯერად მესამედ მოგიწოდებთ: საწვავზე და სასუქზე კატასტროფულად გაზრდილი ფასების გამო მთავრობაში განიხილეთ მოსახლეობაზე მაქსიმალური დახმარების შესაძლებლობა, რომ თითეული მეტრი მიწიდან მივიღოთ მოსავალი.
მანამდე კი ერთმა ადამიანმა, რომელსაც დეპუტატებისაგან დადებითი პასუხის მოლოდინი ჰქონდა, ასეთი რამ თქვა: მაგენს რა ენაღვლებათ, 100 დოლარი რომ გახდეს ერთი ცალი პური, მაინც იყიდიან. ჩვენ რა გვეშველებაო…” _ წერს ომარ ხუციშვილი.

წყარო – გურია თუდეი

გააზიარეთ და მოიწონეთ სტატია:

მსგავსი სტატიები:

“სააკაშვილის იდეაა რომ მელია ჩაჯდეს ციხეში”- მდინარაძე ძალიან მძიმე სანახავი და მოსასმენია, როგორ ებრძვიან მამულს, ენასა და სარწმუნოებას – კობახიძე აპატურაი: საქართველოში მიღწეული პოლიტიკური შეთანხმება მართლაც კარგი ამბავია ჩემი ამოთხრილი თვალის ხარჯზე, არ მინდა პარლამენტის სკამზე ვინმემ საჯდომები გაითბოს – მაკო გომური მახარაძის ფეხბურთელთა გუნდი-1959 წელი “ტკივილები ჰქონდა ძლიერი, იმიტომ რომ სახის ძვლები ჰქონდა ჩამტვრეული” ნაცმოძრაობა იბრძვის იმისთვის, რომ ისტორიიდან ივანიშვილის როლი ამოიღონ – ეს არის პირდაპირი ცენზურა!-პაპუაშვილი ”ახლა წინასწარ გირჩევთ რუსოფილებს – რუსკი კარაბლის გზა ხომ იცით??”