36-ე საზღვაო ქვეითთა ბრიგადის მეთაური, სერგეი ვოლინა ალყაშემორტყმული მარიუპოლიდან საგანგებო მიმართვას ავრცელებს და ამბობს, რომ ეს შესაძლოა, უკრაინული ძალების ბოლო მიმართვა იყოს.
ვოლინა აცხადებს, რომ მტრის რაოდენობა მათთან შედარებით ათჯერ მეტია და მსოფლიო ლიდერებს დახმარებას სთხოვს.
“ეს შესაძლოა, ჩვენი ბოლო მიმართვაა, შესაძლოა, საათები დაგვრჩა. მტრის დაჯგუფება ჩვენზე ათჯერ მეტია და უპირატესობა აქვთ ჰაერშიც და ხმელეთზეც. მივმართავ მსოფლიო ლიდერებს, დაგვეხმარონ, გაგვიყვანონ მესამე ქვეყნის ტერიტორიაზე. სამხედრო გარნიზონში 500-ზე მეტი დაჭრილი ჯარისკაცი და ასობით სამოქალაქო პირია, მათ შორის ბავშვები და ქალები. მივმართავთ და მოვუწოდებთ მსოფლიოს ყველა ლიდერს, დაგვეხმარონ. ვთხოვთ, გადაგვიყვანონ მესამე სახელმწიფოს ტერიტორიაზე”, – ამბობს სერგეი ვოლინა.
“აზოვსტალში” საგანგაშო სიტუაციაზე საუბრობს ბატალიონ აზოვის მეთაურის მოადგილეც, რომელიც ამბობს, რომ გუშინდელი დაბომბვის შემდეგ ნანგრევებში ძალიან ბევრი ადამიანია მოყოლილი, ქარხანა კი განადგურებულია.
მიმართვა გაავრცელა უკრაინის რადას თავმჯდომარემ, რუსლან სტეფანჩუკმაც: “ბავშვები, ქალები და მოხუცები სიკვდილისთვის არიან განწირულები. მათ ან ბომბებს ესვრიან ან შიმშილით დაიხოცებიან. ეს არის ჯოჯოხეთი, მოვუწოდებ მთელს მსოფლიოს, გადაარჩინოს ეს ბავშვები”.
მსგავსი სტატიები:
ამ არჩევნებს ამერიკის მთავრობა განსაკუთრებული ყურადღებით აკვირდება – სახელმწიფო დეპარტამენტის წარმომადგენელი
“გაათმაგებული მუშაობა გვჭირდება”- გურიის ახალი გუბერნატორის პირველი კომენტარი
“ეს ჩემთვის პირველი შეურაცხყოფა არ არის ამ 4- წლიან ჯოჯოხეთურ გზაზე”
მე-18 დაპირებაა, ყოველი არჩევნების წინ ხან ზღვით გადმოდის, ხან ჰაერით — ყაველაშვილი სააკაშვილზე
სად არის ამერიკულ-კორეული მოგზაურობიდან დაბრუნებული ივანიშვილი?
“რა ქნა ქოცმა?…წელში გაწყვეტილი ემიგრანტების გამოგზავნილი ფული საარსებო კაპიკებად აქცია… კარგია გაქოცებული საქართველო…ძაა-ან!”-დარსმელიძე
”რუსეთი შიდა ქართლს მიიერთებს, როგორც ყირიმს..მთავრობა კი იტყვის, ვინც ამ ამბავზე იყვირებს, ომი უნდაო”
რატომ არ დაუწესეს ივანიშვილს სანქციები? ის პუტინისთვის საქართველოს მართავს – ლატინინა